ಸ್ವಚ್ಛತೆ ಕಾಪಾಡಲು ಹಾಟ್ ಸ್ಪಾಟ್‌ಗಳಾಗಿ ಪರಿವರ್ತನೆ

ಪಾಂಡವಪುರ ಪಟ್ಟಣದ ಪ್ರಮುಖ ಸ್ಥಳಗಳಲ್ಲಿ ಕಸ ಬಿಸಾಡುವುದನ್ನು ತಪ್ಪಿಸಲು ಪುರಸಭೆ ವತಿಯಿಂದ ಆಯ್ದ ಸ್ಥಳಗಳನ್ನು ಹಾಟ್ ಸ್ಪಾಟ್‌ಗಳನ್ನಾಗಿ ಪರಿವರ್ತಿಸಿರುವುದು. ಪುರಸಭೆ ಮುಖ್ಯಾಧಿಕಾರಿ ಸತೀಶ್ ಕುಮಾರ್, ಯಶಸ್ವಿನಿ ಇತರರು ಇದ್ದಾರೆ.

Published on:

04 Jan 2026, 3:50 pm

ಪಾಂಡವಪುರ: ಪಟ್ಟಣದ ಪ್ರಮುಖ ಸ್ಥಳಗಳಲ್ಲಿ ಸಾರ್ವಜನಿಕರು ಕಸ ಬಿಸಾಡುವುದನ್ನು ತಪ್ಪಿಸುವ ಉದ್ದೇಶದಿಂದ ಆಯ್ದ ಸ್ಥಳಗಳನ್ನು ಹಾಟ್ ಸ್ಪಾಟ್‌ಗಳನ್ನಾಗಿ ಪರಿವರ್ತಿಸಲಾಗುತ್ತಿದೆ ಎಂದು ಪುರಸಭೆ ಮುಖ್ಯಾಧಿಕಾರಿ ಸತೀಶ್ ಕುಮಾರ್ ತಿಳಿಸಿದರು.

ಪಟ್ಟಣದ ವಿ.ಸಿ ಕಾಲನಿಯ ಕಸ ಬಿಸಾಡುತ್ತಿದ್ದ ಸ್ಥಳವನ್ನು ಸ್ವಚ್ಛಗೊಳಿಸಿ, ಆ ಸ್ಥಳದಲ್ಲಿ ಅನುಪಯುಕ್ತ ಟೈರ್, ಮರದ ಕೊಂಬೆ, ಇಟ್ಟಿಗೆ, ಚಪ್ಪಡಿ ಕಲ್ಲು ಇತ್ಯಾದಿಗಳನ್ನು ಬಳಸಿಕೊಂಡು ಪೌರ ಕಾರ್ಮಿಕರ ಸಹಾಯದಿಂದ ಸುಂದರ ಪರಿಸರ ನಿರ್ಮಿಸುವ ಜತೆಗೆ ಕಸ ವಿಲೇವಾರಿ ಬಗ್ಗೆ ಸಾರ್ವಜನಿಕರಿಗೆ ಅರಿವು ಮೂಡಿಸಿ ಮಾತನಾಡಿದರು.

ಸಾರ್ವಜನಿಕರು ಮನೆಯಲ್ಲಿ ಹಸಿ ಮತ್ತು ಒಣ ಕಸಗಳನ್ನು ವಿಗಂಡಿಸಿ, ಮನೆ ಬಾಗಿಲಿಗೆ ಬರುವ ಪುರಸಭೆ ವಾಹನಗಳಿಗೆ ನೀಡಬೇಕು. ಈ ಬಗ್ಗೆ ಸಾಕಷ್ಟು ಅರಿವು ಮೂಡಿಸುವ ಕಾರ್ಯಕ್ರಮಗಳನ್ನು ಮಾಡಲಾಗಿದೆ. ಆದರೂ, ಸಾರ್ವಜನಿಕರು ಮನೆಯ ತ್ಯಾಜ್ಯಗಳನ್ನು ಪ್ರಮುಖ ಸ್ಥಳಗಳಲ್ಲಿ ಬಿಸಾಡುತ್ತಾರೆ. ಇದರಿಂದ ಪಟ್ಟಣದ ನೈರ್ಮಲ್ಯತೆ ಹಾಳಾಗುತ್ತಿದೆ. ಹೀಗಾಗಿ ಕಸ ಬೀಸಾಡುವ ಪ್ರಮುಖ ಸ್ಥಳಗಳನ್ನು ಗುರುತಿಸಿ ಹಾಟ್ ಸ್ಪಾಟ್‌ಗಳನ್ನಾಗಿ ಪರಿವರ್ತಿಸಲಾಗುತ್ತಿದೆ. ಎಲ್ಲೆಂದರಲ್ಲಿ ಕಸ ಬಿಸಾಡುವುದರಿಂದ ಪರಿಸರ ಹಾಳಾಗುತ್ತಿದೆ. ಕಸದ ರಾಶಿ ಸಂಗ್ರಹವಾದರೆ ಅದರಿಂದ ರೋಗ-ರುಜೀನಗಳು ಹರಡಲಿದೆ. ಹೀಗಾಗಿ ಸಾರ್ವಜನಿಕರು ಪಟ್ಟಣದ ಸ್ವಚ್ಛತೆಗೆ ಸಹಕಾರ ನೀಡಬೇಕು ಎಂದು ಮನವಿ ಮಾಡಿದರು.

ಪಟ್ಟಣ ಹೃದಯ ಭಾಗದಲ್ಲಿ ಹರಿಯುವ ವಿಶ್ವೇಶ್ವರಯ್ಯ ನಾಲೆಗೆ ಕೋಳಿ ಮತ್ತು ಹಂದಿಯ ತ್ಯಾಜ್ಯವನ್ನು ಬಿಸಾಡಲಾಗುತ್ತಿದೆ. ಈ ಬಗ್ಗೆ ಪುರಸಭೆ ಅಧಿಕಾರಿಗಳು ಹಮನಹರಿಸಿ ಕ್ರಮ ಕೈಗೊಂಡರೂ ರಾತ್ರಿ ವೇಳೆಯಲ್ಲಿ ನಾಲೆಗೆ ಎಸೆಯಲಾಗುತ್ತಿದೆ. ಇದರಿಂದ ನಾಲೆಯ ನೀರು ಮಲಿನಗೊಂಡು ಜನ-ಜಾನುವಾರುಗಳ ಆರೋಗ್ಯದ ಗಂಭೀರ ಪರಿಣಾಮ ಬೀರುತ್ತದೆ. ಸಾರ್ವಜನಿಕರು ಕಸ ನಿರ್ವಹಣೆಗೆ ಸಂಬಂಧಿಸಿದಂತೆ ಪುರಸಭೆ ಅಧಿಕಾರಿಗಳಿಗೆ ಸಹಕಾರ ನೀಡಬೇಕು. ಎಲ್ಲೆಂದರಲ್ಲಿ ಕಸ ಬಿಸಾಡುವವರ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು.

ಈ ವೇಳೆ ಪುರಸಭೆ ಇಂಜಿನಿಯರ್ ಯಶಸ್ವಿನಿ, ಆರೋಗ್ಯ ನಿರೀಕ್ಷಕ ಮಂಜುನಾಥ್, ಪರಿಸರ ಇಂಜಿನಿಯರ್ ಶಫೀನಾಜ್, ಪೌರ ಕಾರ್ಮಿಕರು ಇದ್ದರು.

ಸ್ವಚ್ಛತೆ ಕಾಪಾಡಲು ಹಾಟ್ ಸ್ಪಾಟ್‌ಗಳಾಗಿ ಪರಿವರ್ತನೆ

Related Stories

ಮನೋದೈಹಿಕ ವಿಕಸನಕ್ಕೆ ಕ್ರೀಡೆ ಪೂರಕ

ವಡ್ಡರಹಟ್ಟಿಯಲ್ಲಿ ನ್ಯಾಯಬೆಲೆ ಉಪಕೇಂದ್ರ ಆರಂಭ

ರಾಜ್ಯ ಸರ್ಕಾರದ ವಿರುದ್ಧ ಪ್ರತಿಭಟನೆ

ಸರ್ವತೋಮುಖ ವಿಕಸನ ಶಿಕ್ಷಣದ ಗುರಿಯಾಗಲಿ