ಸಂಭ್ರಮದ ತೈಲೂರು ಮಾರಮ್ಮನ ಹಬ್ಬ

ಹಬ್ಬದ ಅಂಗವಾಗಿ ದೇಗುಲದಲ್ಲಿ ಬೆಳಗ್ಗೆಯಿಂದ ಸಂಜೆವರೆಗೆ ವಿವಿಧ ರೀತಿಯ ಧಾರ್ಮಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿತ್ತು. ಬೆಳಗ್ಗೆ ದೇವರಿಗೆ ವಿಶೇಷ ಪೂಜೆ ಮಾಡಲಾಯಿತು ಹಾಗೂ ವಿಶೇಷ ಹೂವುಗಳಿಂದ ಅಲಂಕಾರ ಮಾಡಿದ್ದು ಭಕ್ತಾಧಿಗಳ ಗಮನ ಸೆಳೆಯಿತು. ಮಹಿಳೆಯರಿಂದ ವಿಶೇಷವಾಗಿ ತಂಬಿಟ್ಟಿನಾರತಿ ಮಾಡಲಾಯಿತು. ಸಂಜೆ ದೇಗುಲದ ಆವರಣದಲ್ಲಿ ಸಾವಿರಾರು ಭಕ್ತಾದಿಗಳಿಗೆ ಅನ್ನಸಂತರ್ಪಣೆ ಹಮ್ಮಿಕೊಳ್ಳಲಾಗಿತ್ತು.

ತೈಲೂರು ಸೇರಿದಂತೆ ಸುತ್ತಮುತ್ತಲ ಗ್ರಾಮಸ್ಥರು ಆಗಮಿಸಿ ದೇವಿರಿಗೆ ವಿಶೇಷ ಪೂಜೆ ಸಲ್ಲಿಸಿದರು. ದೇಗುಲ ಪ್ರಧಾನ ಅರ್ಚಕ ಸಿದ್ದರಾಜು ಮಾತನಾಡಿ, ತೈಲೂರಮ್ಮ ಹಬ್ಬ ಅದ್ದೂರಿಯಾಗಿ ನಡೆಯಲು ಸಹಕಾರ ನೀಡಿದ ಗ್ರಾಮಸ್ಥರು, ಭಕ್ತಾದಿಗಳು ಹಾಗೂ ದಾನಿಗಳಿಗೆ ಧನ್ಯವಾದ ತಿಳಿಸಿದರು.

ದೇಗುಲದ ಪ್ರಧಾನ ಅರ್ಚಕ ಸಿದ್ದರಾಜು, ಗ್ರಾಮದ ಮುಖಂಡರಾದ ಡಾ.ಆನಂದ್, ಪೊಲೀಸ್ ಸಿದ್ದರಾಜು, ಕೇಬಲ್ ಸತೀಶ್, ತಮಟೆ ಜಯರಾಮು, ಅಶೋಕ್, ಕಾರ್ತಿಕ್, ಸುನಿ, ಉಮೇಶ, ನಾಗೇಶ, ಇಂದು, ಕೆಂಪೇಗೌಡ, ರಾಮಲಿಂಗಯ್ಯ, ಟಿ.ಎಚ್.ರಾಜು, ಬೋಮಯ್ಯ, ಅಣ್ಣಯ್ಯ, ಅಪ್ಪಿಗೌಡ, ಮುತ್ತು, ಅಭಿಷೇಕ್, ಕೃಷ್ಣಪ್ಪ ಹಾಗೂ ಗ್ರಾಮಸ್ಥರು ಹಾಜರಿದ್ದರು.