ನಿಸ್ವಾರ್ಥ ಸೇವೆಯಿಂದ ಶಾಲೆಯ ಪ್ರಗತಿ

ತಾಲೂಕಿನ ಹೊಸ ಹಳ್ಳಿ ಸರ್ಕಾರಿ ಪ್ರೌಢಶಾಲೆಯ ಮುಖ್ಯ ಶಿಕ್ಷಕಿಯಾಗಿ 27 ವರ್ಷ ಸೇವಾವದಿ ಪೂರೈಸಿ ಪದನೋತಿ ಪಡೆದು ಪ್ರಸ್ತುತ ಹನೂರು ಬಿಇಒ ಆಗಿ ವರ್ಗಾವಣೆಗೊಂಡಿರು ಬಿ ಪ್ರತಿಭಾ ಅವರಿಗೆ ಶಾಲಾಭಿವೃದ್ಧಿ ಸಮಿತಿ ಹಾಗೂ ಗ್ರಾಮಸ್ಥರ ವತಿಯಿಂದ ಭಾನುವಾರ ಆಯೋಜಿಸಿದ್ದ ಬೀಳ್ಕೊಡುಗೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

ಶಿಕ್ಷಕರು ಕಲಿಸುವಿಕೆಯ ಜತೆಗೆ ಮಕ್ಕಳಲ್ಲಿ ಸಾಮಾನ್ಯ ಜ್ಞಾನ ಹಾಗೂ ನಾಯಕತ್ವದ ಗುಣಗಳನ್ನು ಬೆಳೆಸಿಕೊಳ್ಳುವ ಅರಿವನ್ನು ಮೂಡಿಸಬೇಕು. ಆಗ ಮಾತ್ರ ಸಮಾಜದ ಎಲ್ಲ್ಲ ಕ್ಷೇತ್ರಗಳಲ್ಲಿ ಸಾಧಕರನ್ನು ಕಾಣಲು ಸಾಧ್ಯವಾಗುತ್ತದೆ. ಆ ನಿಟ್ಟಿನಲ್ಲಿ ಬಿ.ಪ್ರತಿಭಾ ಅವರು ತಮ್ಮ ಸುದೀರ್ಘ ಸೇವಾ ದಿನಗಳಲ್ಲಿ ಇಲ್ಲಿನ ಶಾಲೆಯಲ್ಲಿ ಕಲಿತ ವಿದ್ಯಾರ್ಥಿಗಳ ಮನೋಭಲವನ್ನು ಹೆಚ್ಚಿಸಿದ್ದರು. ಅದರ ಪ್ರತಿಫಲವೇ ಹಿರಿಯ ವಿದ್ಯಾರ್ಥಿಗಳು ಸಂಘ ರಚಿಸಿ ಕೊಂಡು ಶಾಲೆಯ ಅಭಿವೃದ್ಧಿಗೆ ಶ್ರಮಿಸುತ್ತಿರುವುದು ಇದಕ್ಕೆ ಸಾಕ್ಷಿಯಾಗಿದೆ. ಗ್ರಾಮಸ್ಥರು ಸಹ ಶಾಲೆ ಅಭಿವೃದ್ಧಿಗೆ ನೀಡಿದ ಸಹಕಾರ ಶ್ಲಾಘನೀಯ ಎಂದರು.

ಬೀಳ್ಕೊಡುಗೆ ಸ್ವೀಕರಿಸಿದ ಹನೂರು ಕ್ಷೇತ್ರಶಿಕ್ಷಣಾಧಿಕಾರಿ ಹಾಗೂ ಶಾಲೆಯ ನಿಕಟಪೂರ್ವ ಮುಖ್ಯ ಶಿಕ್ಷಕಿ ಬಿ ಪ್ರತಿಭಾ ಮಾತನಾಡಿ, ಅಂದಿನ ಶಿಕ್ಷಣ ಸಚಿವ ಬಿ.ಸೋಮಶೇಖರ್ ಅವರ ಸ್ವಗ್ರಾಮವಾದ ಹೊಸಹಳ್ಳಿ ಗೆ ಸೇವೆಗೆ ನಿಯೋಜನೆಗೊಂಡು ಬಂದ ನನಗೆ ಗ್ರಾಮಸ್ಥರು, ಮುಖಂಡರು ಮತ್ತು ಸಹ ಶಿಕ್ಷಕರು ನೀಡಿದ ಪ್ರೋತ್ಸಾಹ, ನೆರವು ವಿದ್ಯಾರ್ಥಿಗಳು ತೋರಿದ ಪ್ರೀತಿ ವಿಶ್ವಾಸಕ್ಕೆ ಸದಾ ಋಣಿಯಾಗಿದ್ದೇನೆ ಎಂದರು.

ಕ್ಷೇತ್ರ ಸಮನ್ವಯಾಧಿಕಾರಿ ಶ್ರೀನಿವಾಸ್, ಪುಟ್ಟರಾಜು, ಗ್ರಾಮದ ಮುಖಂಡರಾದ ನಂಜಪ್ಪ, ನಾಡಗೌಡ ಚಿನ್ನಸ್ವಾಮಿ, ಸ್ವಾಮಿ, ಶಂಕರಯ್ಯ, ಮಧು ಗಂಗಾಧರ್, ಬಸವರಾಜು, ಶಾಂತರಾಜು, ಬಾಬು, ರವಿಕುಮಾರ್, ಎಸ್‌ಡಿಎಂಸಿ ಅಧ್ಯಕ್ಷ ಮಹಾದೇವ ಸ್ವಾಮಿ, ಮುಖ್ಯ ಶಿಕ್ಷಕಿ ಶಶಿಕಲಾ , ಹಿರಿಯ ವಿದ್ಯಾರ್ಥಿಗಳಾದ ತಿಮ್ಮೇ ಗೌಡ, ಮಂಜುನಾಥ್ ಸ್ವಾಮಿ, ಗುರುಪ್ರಸಾದ್, ಮಹೇಶ್, ಮನುಕುಮಾರ್, ವಸಂತ, ದೀಪು, ಬೇಬಿ ಇತರರು ಇದ್ದರು.