50 ಲಕ್ಷ ರೂ. ವೆಚ್ಚದಲ್ಲಿ ರಸ್ತೆ ಅಭಿವೃದ್ಧಿ: ಶಾಸಕ ರವಿಕುಮಾರ್ ಚಾಲನೆ

ಮಂಡ್ಯ ತಾಲೂಕು ಕನ್ನಲಿ ಗ್ರಾಮದಲ್ಲಿ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ಪಿ.ರವಿಕುಮಾರ್ ಗಣಿಗ ಭೂಮಿಪೂಜೆ ನೆರವೇರಿಸಿದರು.

Published on:

23 Jan 2026, 8:05 am

ಪ್ರಮುಖ ಮುಖ್ಯಾಂಶಗಳು

ಮಂಡ್ಯ ತಾಲೂಕು ಕನ್ನಲಿ ಗ್ರಾಮ
50 ಲಕ್ಷ ರೂ ವೆಚ್ಚದಲ್ಲಿ ರಸ್ತೆ ಅಭಿವೃದ್ಧಿ
ಶಾಸಕ ರವಿಕುಮಾರ್ ಗಣಿಗ ಭಾಗಿ

ಮಂಡ್ಯ: ತಾಲೂಕಿನ ಕನ್ನಲಿ ಗ್ರಾಮದಲ್ಲಿ 50 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣವಾಗುವ ರಸ್ತೆ ಅಭಿವೃದ್ದಿಗೆ ಶಾಸಕ ಪಿ.ರವಿಕುಮಾರ್ ಗಣಿಗ ಭೂಮಿಪೂಜೆ ನೆರವೇರಿಸಿದರು.

ಬಳಿಕ ಮಾತನಾಡಿದ ಅವರು, ಕ್ಷೇತ್ರ ವ್ಯಾಪ್ತಿಯಲ್ಲಿ ಬರುವ ಗ್ರಾಮ ಸಂಪರ್ಕ ರಸ್ತೆಗಳು ಮತ್ತು ಗ್ರಾಮದೊಳಗಿರುವ ರಸ್ತೆ-ಚರಂಡಿ ಅಭಿವೃದ್ದಿಗೆ ಹಂತ ಹಂತವಾಗಿ ಅನುದಾನ ಹಾಕಿದ್ದೇವೆ, ಟೆಂಡರ್ ಮುಗಿದ ತಕ್ಷಣವೇ ಅಭಿವೃದ್ಧಿ ಕಾರ್ಯಗಳು ಆರಂಭಗೊಳ್ಳಲಿವೆ. ಕನ್ನಲಿ ಗ್ರಾಮದಲ್ಲಿ ಬಡಾವಣೆಯ ರಸ್ತೆ ಅಭಿವೃದ್ಧಿಗೆ 25 ಲಕ್ಷ ರೂ. ಕೇಳಲಾಗಿದೆ. ತಕ್ಷಣವೇ ಕಾರ್ಯ ಆರಂಭಗೊಳ್ಳಲಿದೆ. ಗ್ರಾಮದ ಚರಂಡಿ, ರಸ್ತೆ ಮತ್ತು ದೇವಸ್ಥಾನಗಳ ಅಭಿವೃದ್ಧಿಗೆ ಹಣ ಬಿಡುಗಡೆಗೆ ಕ್ರಮ ವಹಿಸುತ್ತೇವೆ ಎಂದು ಭರವಸೆ ನೀಡಿದರು.

ರೈತ ಮುಖಂಡ ಉಮೇಶ್, ಕನ್ನಲಿ ಚನ್ನಪ್ಪ, ವಕೀಲ ಕೆಂಪಣ್ಣ, ಯೋಗಾನಂದ, ಚೇತನ್‌ಕುಮಾರ್, ಚಂದ್ರಶೇಖರ್, ರವಿ, ಮಲ್ಲೇಶ್, ಮಲ್ಲರಾಜು ಇತರರಿದ್ದರು.

Road