ಸಂಶೋಧನಾ ಬರಹ ಶಿಸ್ತಿನಿಂದ ಕೂಡಿರಲಿ

ಮೈಸೂರಿನ ಮಹಾರಾಜ ಕಾಲೇಜಿನ ಸಹ ಪ್ರಾಧ್ಯಾಪಕಿ ಡಾ.ಎ.ಸಿ.ಪ್ರಮೀಳಾ ಮಾತನಾಡಿ, ಸಂಶೋಧನೆ ಎಂಬುದು ನಿರಂತರವಾದದ್ದು. ಇದನ್ನು ಬರೆಯುವುದು ಒಂದು ಸವಾಲಾದರೆ, ಪ್ರಕಟಿಸುವುದು ಮತ್ತೊಂದು ಸವಾಲು. ಸಂಶೋಧನಾ ಬರಹಗಳು ಸಂಶೋಧನಾ ಶಿಸ್ತಿನಿಂದ ಕೂಡಿರಬೇಕು ಎಂದರು.

ವಿಶ್ರಾಂತ ಗ್ರಂಥಪಾಲಕ ಪ್ರೊ.ಸಿ.ಪಿ.ರಾಮಶೇಷ ಮಾತನಾಡಿ, ಸಂಶೋಧನೆಯಲ್ಲಿ ಕೃತಿ ಚೌರ್ಯಗಳು ಹೆಚ್ಚಾಗಿದ್ದು ಅದನ್ನು ತಪ್ಪಿಸ ಬೇಕಾದಲ್ಲಿ ನೇರ ಸಂಶೋಧಕರೇ ಹೊಣೆಯಾಗಿರಬೇಕು ಎಂದರು.

ಕಾಲೇಜು ಪ್ರಾಂಶುಪಾಲೆ ಡಾ.ಎಚ್.ವಿ.ಶಿಲ್ಪಶ್ರೀ ಮಾತನಾಡಿ, ಅಧ್ಯಾಪಕರು ನಿರಂತರವಾಗಿ ಅಧ್ಯಯನದಲ್ಲಿ ತೊಡಗಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಐಕ್ಯೂಎಸಿ ಸಂಚಾಲಕ ಎನ್.ಪ್ರಸಾದ್ ಪ್ರಾಸ್ತಾವಿಕ ನುಡಿಗಳನ್ನಾಡಿದರು. ಸಹ ಸಂಚಾಲಕ ಡಾ.ಮೋಹನ್‌ಕುಮಾರ್, ಸಹ ಪ್ರಾಧ್ಯಾಪಕ ವಿನಯ್ ಪ್ರಭು, ಶಿವಕುಮಾರ್ ಕಾರೇಪುರ, ಸಿದ್ಧಾರ್ಥ್ ಮುಖ್ಯ ಗ್ರಂಥಪಾಲಕರಾದ ಶಿವಶಾಂತಿ, ಸಹಾಯಕ ಪ್ರಾಧ್ಯಾಪಕರಾದ ಅಂಬುಜಾಕ್ಷಿ, ಡಾ.ಸುಮಾ ಇದ್ದರು.