ತಾಲೂಕು ಕಚೇರಿ ಮೇಲೆ ಲೋಕಾಯುಕ್ತ ದಾಳಿ

ದರಖಾಸ್ತು ಶಾಖೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದ ಸತೀಶ್, ಭೂ ದಾಖಲೆಗಳ ವಿಭಾಗದ ಯೋಗೇಶ್ ಹಾಗೂ ಕಾಂತಾಪುರ ವೃತ್ತದ ಗ್ರಾಮ ಸಹಾಯಕ ಯೋಗೇಶ್ ಎಂಬ ಸರ್ಕಾರಿ ನೌಕರರ ಜತೆಗೆ ನಾಗಮಂಗಲ ಪಟ್ಟಣ ವಾಸಿ ವಾಸೀಂ ಉಲ್ಲಾಖಾನ್‌ಎಂಬುವರು ಸೇರಿ ನಾಲ್ವರು ಆರೋಪಿಗಳ ಮನೆ, ತಾಲೂಕು ಕಚೇರಿಯ ದರಖಾಸ್ತು ಹಾಗೂ ರೆಕಾರ್ಡ್ ರೂಂ ಹಾಗೂ ಕಾಂತಾಪುರ ವೃತ್ತದ ಗ್ರಾಮ ಸೇವಕನಿಗೆ ಸೇರಿದ ಕಾರು ಮತ್ತು ಸ್ಟೇಷನರಿ ಸ್ಟೋರ್ ಸೇರಿದಂತೆ ವಿವಿಧ ಕಡೆ ದಾಳಿ ಮಾಡಲಾಗಿದೆ.

ಈ ಬಗ್ಗೆ ಮಾತನಾಡಿದ ಮಂಡ್ಯ ಜಿಲ್ಲಾ ಲೋಕಾಯುಕ್ತ ಪೊಲೀಸ್ ವರಿಷ್ಟಾಧಿಕಾರಿ ಸುರೇಶ್‌ಬಾಬು, ತನಿಖೆ ಮಾಡಿದಷ್ಟು ಭ್ರಷ್ಟಾಚಾರದ ವ್ಯಾಪ್ತಿ ದೊಡ್ಡದಾಗುತ್ತಿದೆ. ಮಂಗಳವಾರ ತಡರಾತ್ರಿಯಾದರೂ ಮುಗಿಯುವ ಲಕ್ಷಣ ಕಂಡುಬರುತ್ತಿಲ್ಲ. ಪರಿಶೀಲನಾ ಕಾರ್ಯ ಸಂಪೂರ್ಣವಾದ ನಂತರ ದಾಖಲಾತಿಗಳನ್ನು ನಿಯಮಾನುಸಾರ ವಶಕ್ಕೆ ಪಡೆಯಲಾಗುತ್ತದೆ. ಅಗತ್ಯವಿದ್ದರೆ ಆರೋಪಿಗಳನ್ನು ವಶಕ್ಕೆ ಪಡೆಯುವ ಬಗ್ಗೆ ಮೇಲಧಿಕಾರಿಗಳ ಆದೇಶದನ್ವಯ ಕ್ರಮ ಕೈಗೊಳ್ಳಲಾಗುವುದು ಎಂದರು.