ಕೇಂದ್ರ ಸರ್ಕಾರದ ವಿರುದ್ಧ ಕಾರ್ಮಿಕ ಸಂಘದ ಪ್ರತಿಭಟನೆ

ಹೋಬಳಿಯ ಲಕ್ಷ್ಮೀಪುರ ಗ್ರಾಪಂ ಕಚೇರಿ ಮುಂದೆ ಶುಕ್ರವಾರ ರಾಜ್ಯ ಪ್ರಾಂತ ಕೃಷಿ ಕೂಲಿಕಾರ ಸಂಘದ ಸದಸ್ಯರು ಕೇಂದ್ರ ಸರ್ಕಾರ ಮನರೇಗಾ ಹೆಸರು ಬದಲಾಯಿಸಲು ಮುಂದಾಗಿರುವುದನ್ನು ಖಂಡಿಸಿ ಹಮ್ಮಿಕೊಂಡಿದ್ದ ಪ್ರತಿಭಟನೆಯಲ್ಲಿ ಮಾತನಾಡುತ್ತ, ಗಾಂಧೀಜಿ ಅವರ ಹೆಸರು ತೆಗೆದು ವಿಕಸಿತ ಭಾರತ ಗ್ಯಾರಂಟಿ ಫಾರ್ ರೋಜ್‌ಗಾರ್ ಆ್ಯಂಡ್ ಅಜೀವಿಕಾ ಮಿಷನ್ (ಗ್ರಾಮೀಣ) ಬದಲಾಯಿಸಲು ಮುಂದಾಗಿರುವುದು ರಾಜಕೀಯಕರ ಕಾಯ್ದೆ ಆಗಿದೆ ಎಂದರು.

ಈ ಹಿಂದೆ ನರೇಗಾಗೆ ಶೇ.90ರಷ್ಟು ಕೂಲಿ ಹಣವನ್ನು ಕೇಂದ್ರ ಸರ್ಕಾರ ನೀಡುತ್ತಿತ್ತು. ಈಗ ಹೊಸ ಕಾಯ್ದೆ ರೀತಿ ಶೇ.60 ಕೇಂದ್ರ ಸರ್ಕಾರ, ಶೇ.40ರಷ್ಟು ರಾಜ್ಯ ಸರ್ಕಾರ ನೀಡಬೇಕಿದೆ. ಜತೆಗೆ ಯಾವುದೇ ಜಿಲ್ಲೆಗಳಲ್ಲಿ ಆಯಾ ರಾಜ್ಯದ ಕೂಲಿಕಾರರು ಕೂಲಿಗೆ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಇದು ಸ್ಥಳೀಯ ಕೂಲಿಕಾರರ ಬದುಕಿನ ಹಕ್ಕು ಕಿತ್ತುಕೊಳ್ಳುವಂತಾಗಿದೆ ಎಂದು ಕಿಡಿಕಾರಿದರು.

ಈ ಹಿಂದೆ ಕೃಷಿ ಕೂಲಿ ಕಾರ್ಮಿಕರಿಗೆ ಇದ್ದ 370ರೂ.ಕೂಲಿ ಬದಲಿಗೆ 240ರೂ.ಗೆ ಕಡಿತಗೊಳಿಸಲು ಮುಂದಾಗಿರುವುದು ಕಾರ್ಮಿಕರ ಹೊಟ್ಟೆ ಮೇಲೆ ಬರೆಹಾಕುವಂತಾಗಿದೆ. ಇಂತಹ ಧೋರಣೆ ಬಿಟ್ಟು ನರೇಗಾ ಕಾರ್ಮಿಕರಿಗೆ ಬದುಕಿಗೆ ಭದ್ರತೆ ನೀಡುವ ಕಾಯ್ದೆ ತರಲಿ ಎಂದು ಒತ್ತಾಯಿಸಿದರು.

ನರೇಗಾ ಕಾರ್ಮಿಕರು ತಮ್ಮ ಬೇಡಿಕೆಗಳನ್ನು ಪಿಡಿಒ ಸುರೇಶ್‌ಬಾಬು ಮೂಲಕ ಮನವಿ ಸಲ್ಲಿಸಿದರು.

ಕರಿಯಣ್ಣ, ಕುಮಾರ, ಮಂಜಣ್ಣ, ದೇವರಾಜು, ಸುಧಾ, ಲಕ್ಷ್ಮಮ್ಮ, ಮಂಜಮ್ಮ, ಪಲ್ಲವಿ, ಜವರಮ್ಮ, ಭಾಗ್ಯಮ್ಮ, ಕಾವ್ಯಾ ಮತ್ತಿತರರು ಇದ್ದರು.