ಹಿಂದೂಗಳು ಒಗ್ಗೂಡದಿದ್ದರೆ ದೇಶದ ನಾಶ ಕಟ್ಟಿಟ್ಟ ಬುತ್ತಿ

ಪಟ್ಟಣದ ಪಾಂಡವ ಕ್ರೀಡಾಂಗಣದಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘ ಶುಕ್ರವಾರ ಆಯೋಜಿಸಿದ್ದ ಹಿಂದೂ ಸಮಾಜೋತ್ಸವ ಕಾರ್ಯಕ್ರಮದ ಸಾನಿಧ್ಯ ವಹಿಸಿ ಅವರು ಮಾತನಾಡಿದರು.

ಆರ್‌ಆರ್‌ಎಸ್ ಸಂಘಟನೆ ಕುರಿತು ರಾಜಕೀಯ ಲೇಪನ ಮಾಡುವುವರು ಹೆಚ್ಚಿದ್ದಾರೆ. ಆರ್‌ಎಸ್‌ಎಸ್ ಹಿಂದೂಗಳ ರಕ್ಷಣೆಗೆ ಇರುವ ಸಂಘಟನೆಯೆ ಹೊರತು ಯಾವುದೇ ರಾಜಕೀಯ ಅಥವಾ ಜಾತಿಯಾಧಾರಿತ ಸಂಘಟನೆ ಅಲ್ಲ ಎಂಬುದನ್ನು ಪ್ರತಿಯೊಬ್ಬರೂ ಅರಿತುಕೊಳ್ಳಬೇಕಿದೆ. ಕುರ್ಚಿಗೋಸ್ಕರ, ಒಂದೇ ಒಂದು ಮತಕ್ಕಾಗಿ ಧರ್ಮ ಧರ್ಮ ಒಡೆಯುವ ಕೆಲಸ ನಡೆಯುತ್ತಿದೆ. ದೇಶದಲ್ಲಿ ಆಳ್ವಿಕೆ ಮಾಡಲು ಸಂಖ್ಯಾಬಲ ಅತಿ ಮುಖ್ಯ. ಹೀಗಾಗಿ ಹಿಂದೂಗಳು ಪ್ರತಿ ಮನೆಯಲ್ಲಿ ಮೂರು ಮಕ್ಕಳನ್ನು ಮಾಡಿಕೊಳ್ಳಬೇಕು. ವಂಶೋದ್ಧಾರಕ್ಕೆ ಒಂದು ಮಗು, ದೇಶಕೋಸ್ಕರ ಒಂದು ಮಗು, ಸ್ವಾಮೀಜಿಯಾಗಲು ಒಂದು ಮಗು ಮಾಡಿಕೊಳ್ಳಬೇಕು ಎಂದರು.

ಭಾರತದಲ್ಲೂ ಹಿಂದೂಗಳ ನರಮೇದ, ಎಚ್ಚರಿಕೆ: ಬಾಂಗ್ಲಾ ದೇಶದಲ್ಲಿ ಹಿಂದೂಗಳ ನರಮೇದ ನಡೆಯುತ್ತಿದೆ. ದೇಶದಲ್ಲಿರುವ ಎಲ್ಲ ರಾಜಕೀಯ ವ್ಯಕ್ತಿಗಳು ಇದನ್ನು ಅರಿತು ಎಚ್ಚೆತ್ತುಕೊಳ್ಳಬೇಕು. ಇಲ್ಲದಿದ್ದರೆ ಭಾರತದಲ್ಲೂ ಹಿಂದೂಗಳ ನರಮೇದ ನಡೆಯಲಿದೆ ಎಂದು ಎಚ್ಚರಿಸಿದರು.

23 ಜನ ಮಕ್ಕಳನ್ನು ಹೆರುವ ಮುಸ್ಲಿಮರ ನಡುವೆ ಹಿಂದೂಗಳು ಕೇವಲ ಒಂದೇ ಒಂದು ಮಗುವನ್ನು ಹೆರುತ್ತಿದ್ದಾರೆ. ಮೂರು ಮಕ್ಕಳನ್ನು ಹಿಂದೂಗಳು ಹೆತ್ತು ಹಿಂದೂಗಳ ಸಂತತಿಯನ್ನು ಹೆಚ್ಚಿಸಬೇಕು ಕರೆ ನೀಡಿದರು.

ರಾಜ್ಯದಲ್ಲಿ ಕಾಂಗ್ರೆಸ್ ಸರ್ಕಾರ ದ್ವೇಷ ಭಾಷಣ ಮಸೂದೆ ಜಾರಿಗೆ ತಂದಿದೆ. ನಮ್ಮಲ್ಲಿ ಮೊಹಮ್ಮದ್ ಅಂದರೆ ದ್ವೇಷ ಭಾಷಣ ಮಾಡುತ್ತಿದ್ದಾರೆ ಎನ್ನುವವರಿದ್ದಾರೆ. ಕರ್ನಾಟಕದಲ್ಲಿ ದ್ವೇಷ ಭಾಷಣ ಮಸೂದೆ ಜಾರಿಗೊಳಿಸಿರುವುದು ಸರಿಯಲ್ಲ. ಮುಂದಿನ ದಿನಗಳಲ್ಲಿ ಹಿಂದೂಗಳು ಒಗ್ಗೂಡದಿದ್ದರೆ ಮುಂದಿನ ದಿನಗಳಲ್ಲಿ ಕಾಂಗ್ರೆಸ್, ಬಿಜೆಪಿ ಎಂದು ಯಾವುದೇ ಪಕ್ಷ ನೋಡದೆ ಎಲ್ಲರ ನರಮೇಧ ನಡೆಯಲಿದೆ. ಹೀಗಾಗಿ ಹಿಂದೂಗಳು ಎಚ್ಚೆತ್ತು ಮುಂದಿನ ಪೀಳಿಗೆಗೆ ಹಿಂದೂ ಧರ್ಮದ ಮಹತ್ವವನ್ನು ತಿಳಿಸಬೇಕಿದೆ. ಜತೆಗೆ ಇಂತಹ ಹಿಂದೂ ಸಮಾಜೋತ್ಸವ ಕಾರ್ಯಕ್ರಮಗಳು ಹೆಚ್ಚು ಹೆಚ್ಚು ನಡೆಯಬೇಕು ಎಂದರು.

ಕೇವಲ ಮಸಾಲೆ, ಚಕ್ಕೆ ಲವಂಗ ತಿನ್ನಲು ಬಂದ ಬ್ರಿಟಿಷರು ಸಂಪತ್ತಿನ ಲೂಟಿ ಮಾಡುವ ಜತೆಗೆ ಭಾರತ ದೇಶದ ಮಹಿಳೆಯರು ಹಾಗೂ ಹೆಣ್ಣುಮಕ್ಕಳನ್ನು ಅಪಘಾನಿಸ್ಥಾನದಲ್ಲಿ ಮಾರಾಟ ಮಾಡಿದರು. ಇದು ನಗ್ನಸತ್ಯ. ನಮ್ಮ ಭಾರತೀಯರು ಇದನ್ನು ಅರ್ಥ ಮಾಡಿಕೊಂಡು ಎಚ್ಚೆತ್ತುಕೊಳ್ಳದಿದ್ದರೆ ನಮಗೆ ಖಂಡಿತವಾಗಿಯೂ ಉಳಿಗಾಲವಿಲ್ಲ ಎಂದರು.

ಆರ್‌ಎಸ್‌ಎಸ್ ಸಂಘಟನೆಯ ದಕ್ಷಿಣ ಪ್ರಾಂತದ ಕಾರ್ಯಕಾರಿಣಿ ಸದಸ್ಯ ಅಕ್ಷಯ್ ಜೀ ಹಿಂದೂ ಸಮಾಜೋತ್ಸವದ ದಿಕ್ಸೂಚಿ ಭಾಷಣ ಮಾಡಿದರು. ಅಧ್ಯಕ್ಷತೆ ವಹಿಸಿದ್ದ ಹಿರಿಯ ನೇತ್ರ ತಜ್ಞೆ ವೈದ್ಯೆ ಡಾ.ಮಣಿಕರ್ಣಿಕಾ ಮಾತನಾಡಿದರು. ಬಿಜೆಪಿ ಅಧ್ಯಕ್ಷ ಡಾ.ಎನ್.ಎಸ್.ಇಂದ್ರೇಶ್, ಮಾಜಿ ಅಧ್ಯಕ್ಷ ಕೆ.ನಾಗಣ್ಣಗೌಡ, ಬಿಜೆಪಿ ಮುಖಂಡ ಎಚ್.ಎನ್.ಮಂಜುನಾಥ್, ತಾಲೂಕು ಅಧ್ಯಕ್ಷ ಧನಂಜಯ, ಟೌನ್ ಅಧ್ಯಕ್ಷ ಎನ್.ಸೋಮಶೇಖರ್, ಆರ್‌ಎಸ್‌ಎಸ್ ಸಂಘಟನೆಯ ಭರತ್ ರಾಜ್, ಅರುಣ ಸೇರಿದಂತೆ ಹಲವರು ಭಾಗವಹಿಸಿದ್ದರು.

ಇದಕ್ಕೂ ಮೊದಲು ಪಟ್ಟಣದ ಮಹಾಂಕಾಳೇಶ್ವರಿ ಅಮ್ಮನವರ ದೇವಸ್ಥಾನದಿಂದ ಪಾಂಡವ ಕ್ರೀಡಾಂಗಣದವರೆಗೆ ಶೋಭಾಯಾತ್ರೆ ನಡೆಯಿತು. ಈ ವೇಳೆ ಹಳ್ಳಿಕಾರ್ ತಳಿ ಎತ್ತುಗಳ ಪ್ರದರ್ಶನ ನಡೆಯಿತು.