ಜಾನಪದ ರಕ್ಷಿಸುವುದೇ ದೊಡ್ಡ ಸವಾಲು: ಹಿರಿಯ ಸಾಹಿತಿ ತೈಲೂರು ವೆಂಕಟಕೃಷ್ಣ ಅಭಿಮತ

ನಗರದ ಗಾಂಧಿಭವನದಲ್ಲಿ ಕನ್ನಿಕಾಶಿಲ್ಪಾ ನವೋದಯ ಎಜುಕೇಷನ್ ಟ್ರಸ್ಟ್, ಕ್ಷೀರಸಾಗರ ಮಿತ್ರಕೂಟ(ಕೀಲಾರ), ಜಾನಪದ ಜನ್ನೆಯರು ಸಂಘದ ಸಹಯೋಗದಲ್ಲಿ ಆಯೋಜಿಸಿದ್ದ ಪ್ರೊ.ವ.ನಂ.ಶಿವರಾಮು ಅವರ ನಮ್ಮೊಳಗೇ ಇರುವ ಜಾನಪದ ಕೃತಿ ಬಿಡುಗಡೆ ಮಾಡಿ ಮಾತನಾಡಿದ ಅವರು, ಜಾನಪದ ಲೋಕವನ್ನು ಅಧ್ಯಯನ ಮಾಡುವುದು ಹಾಗೂ ವೀಕ್ಷಣೆ ಮಾಡಬೇಕೆಂದರೆ ಅಲ್ಲಿನ ಪಳೆಯುಳಿಕೆಗಳ ಬಗ್ಗೆ ಮಕ್ಕಳಿಗೆ ತಿಳಿಸುವ ಅಥವಾ ಪರಿಚಯಿಸುವ ಕೆಲಸ ಆಗಬೇಕು ಎಂದು ಸಲಹೆ ನೀಡಿದರು.

ಯಾಂತ್ರೀಕೃತ ಬದುಕಿನಲ್ಲಿ ಹಿಂದಿನ ಕಾಲದಲ್ಲಿದ್ದ ಮರದ ಗಾಡಿಗಳು, ಸೇರು, ಪಾವು, ಚಟಾಕು ಎಲ್ಲವೂ ಜಾನಪದದ ಮೂಲವಾಗಿದೆ. ಇದರ ನಡುವೆ ಯಂತ್ರ ನಾಟಿ ಮಾಡಬೇಕೋ ಅಥವಾ ಕೈ ನಾಟಿ ಮಾಡಬೇಕೋ ಎನ್ನುವುದು ಕೂಡ ಕೃಷಿಯಲ್ಲಿ ಗೊಂದಲ ಮೂಡಿಸಿದೆ. ಹಿಂದಿನದನ್ನು ನೋಡಬೇಕು, ಮುಂದಿನದನ್ನು ಯೋಚಿಸಬೇಕು ಎಂದು ಸಲಹೆ ನೀಡಿದರು.

ಕಸಾಪ ಮಾಜಿ ಜಿಲ್ಲಾಧ್ಯಕ್ಷ ಜಿ.ಟಿ.ವೀರಪ್ಪ ಅಧ್ಯಕ್ಷತೆ ವಹಿಸಿದ್ದರು. ಅಂಕಣಕಾರ ಡಿ.ಬಿ.ಚಂದ್ರೇಗೌಡ, ಜಾನಪದ ವಿದ್ವಾಂಸ ಎಂ.ಭೈರೇಗೌಡ, ಕರ್ನಾಟಕ ಜಾನಪದ ಪರಿಷತ್ ಅಧ್ಯಕ್ಷ ಡಿ.ಪಿ. ಸ್ವಾಮಿ, ಕರ್ನಾಟಕ ವಿಕಾಸರಂಗ ಅಧ್ಯಕ್ಷ ಪ್ರೊ.ಪಿ.ಡಿ.ತಿಮ್ಮಪ್ಪ, ಕನ್ನಿಕಾಶಿಲ್ಪಾ ನವೋದಯ ಎಜುಕೇಷನ್ ಟ್ರಸ್ಟ್ ಅಧ್ಯಕ್ಷ ಎಚ್.ಆರ್.ಕನ್ನಿಕಾ, ಸಂಚಾಲಕರಾದ ಕೃಷ್ಣೇಗೌಡ ಕೀಲಾರ, ಎಚ್.ಬಿ. ರಾಮಕೃಷ್ಣ ಇತರರಿದ್ದರು. ಇದೇ ವೇಳೆ ಜಾನಪದ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ಕೋಲಾಟ ಕಲಾವಿದ ಹೊನ್ನಯ್ಯ ತಳಗವಾದಿ ಮತ್ತು ಚುಂಚಶ್ರೀ ಪ್ರಶಸ್ತಿ ಪುರಸ್ಕೃತ ಮದ್ದೂರು ತಾಲೂಕು ಕೆ.ಶೆಟ್ಟಹಳ್ಳಿ ಗ್ರಾಮದ ಸಿದ್ದೇಗೌಡ ಅವರನ್ನು ಅಭಿನಂದಿಸಲಾಯಿತು.