ವಿದ್ಯುತ್ ದೂರು ರಹಿತ ಗ್ರಾಮ ಯೋಜನೆಗೆೆ ಚಾಲನೆ

ತಾಲೂಕಿನ ಮಹದೇವಪುರ ಗ್ರಾಮದಲ್ಲಿ ಚಾಮುಂಡೇಶ್ವರಿ ವಿದ್ಯುತ್ ಸರಬರಾಜು ನಿಗಮ ವತಿಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ಮಾದರಿ ಗ್ರಾಮ ಯೋಜನೆಯಡಿ ವಿದ್ಯುತ್ ಪೂರೈಕೆ ಉನ್ನತಿಕರಿಸುವ ಹಾಗೂ ದೂರು ರಹಿತ ಗ್ರಾಮ ನಿರ್ಮಾಣ ಯೋಜನೆಗೆೆ ಚಾಲನೆ ನೀಡಿ ಅವರು ಮಾತನಾಡಿದರು.

ಗ್ರಾಮಗಳಲ್ಲಿನ ವಿದ್ಯುತ್ ಬೀದಿದೀಪಗಳ ಹಳೆಯ ಕಂಬಗಳು ಹಾಗೂ ಹಳೆಯ ಪರಿವರ್ತಕಗಳ ಬದಲಾವಣೆ, ಪವರ್ ಕಂಡಕ್ಟರ್ ಮತ್ತು ವಿದ್ಯುತ್ ಅವಘಡಗಳಿಗೆ ಕಡಿವಾಣ ಹಾಕಲು ಸುರಕ್ಷ ಕವಚ ಸಹಿತ ತಂತಿಗಳ ಅಳವಡಿಕೆ, ವಿದ್ಯುತ್ ಪೋಲಾಗುವಿಕೆ ತಡೆಗಟ್ಟಿ, ಮುಖ್ಯವಾಗಿ ಜನ-ಜಾನುವಾರುಗಳ ಪ್ರಾಣಹಾನಿಗೆ ನಿಯಂತ್ರಣ ಹೇರುವ ಮೂಲಕ ಗ್ರಾಹಕರಿಗೆ ಮನೆಗಳಿಗೆ ಸಮರ್ಪಕ ವಿದ್ಯುತ್ ಅನ್ನು ನೇರವಾಗಿ ತಲುಪಿಸಲು ಈ ಕಾಮಗಾರಿ ಅತ್ಯಂತ ಸಹಕಾರಿಯಾಗಲಿದೆ. ಜತೆಗೆ ರೈತಾಪಿ ಜನರು ತಮ್ಮ ಜಮೀನುಗಳಲ್ಲಿ ಕೃಷಿ ಕಾರ್ಯಚಟುವಟಿಕೆಯನ್ನು ನಿರಾಯಾಸವಾಗಿ ನೆರವೇರಿಸಲು ಇದು ಸಂಪೂರ್ಣ ಸಹಕಾರಿಯಾಗಲಿದೆ ಎಂದರು.

ತಹಸೀಲ್ದಾರ್ ಚೇತನಾ ಯಾದವ್, ಮಹದೇವಪುರ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷೆ ಪ್ರೇಮ ದೇವರಾಜು, ಎಂಡಿಸಿಸಿ ಬ್ಯಾಂಕ್ ಮಾಜಿ ನಿರ್ದೇಶಕ ಮಹದೇವಪುರ ಬಸವರಾಜು, ಭೂ ನ್ಯಾಯಮಂಡಳಿ ಸದಸ್ಯ ಎಸ್. ಕಾಳೇಗೌಡ, ವ್ಯವಸಾಯ ಸೇವಾ ಸಹಕಾರ ಸಂಘದ ಅಧ್ಯಕ್ಷ ಕೆ.ಪುಟ್ಟಸ್ವಾಮಿ, ಆರ್‌ಐ ರೇವಣ್ಣ, ಮಹದೇವಪುರ ಉಪ-ವಿದ್ಯುತ್ ವಿತರಣಾ ಕೇಂದ್ರದ ಜೂನಿಯರ್ ಇಂಜಿನಿಯರ್ ವೀರಭದ್ರಸ್ವಾಮಿ, ಐಕಾಂ ಇಂಪ್ರಾ ಸಂಸ್ಥೆಯ ಅರುಣ್ ಹಾಗೂ ಹೇಮಂತ್ ಇತರರು ಉಪಸ್ಥಿತರಿದ್ದರು.