ಸಹಕಾರಿ ಕ್ಷೇತ್ರದಲ್ಲಿ ರಂಗಯ್ಯ ಅತ್ಯುತ್ತಮ ಸೇವೆ: ಸಹಕಾರ ಸಂಘಗಳ ಇಲಾಖೆ ಹೆಚ್ಚುವರಿ ನಿರ್ದೇಶಕ ಎಚ್.ಜಯದೇವ್ ಮೆಚ್ಚುಗೆ

ಪ್ರಮುಖ ಮುಖ್ಯಾಂಶಗಳು

• ನಗರದಲ್ಲಿ ಪ್ರಶಸ್ತಿ ಪ್ರದಾನ ಸಮಾರಂಭ
• ಕರ್ನಾಟಕ ಸಂಘ, ಎಂ.ಎಲ್.ಶ್ರೀಕಂಠೇಗೌಡ ಸಂಶೋಧನಾ ಕೇಂದ್ರದಿಂದ ಆಯೋಜನೆ

ಸಹಕಾರಿ ಕ್ಷೇತ್ರಕ್ಕೆ ಕೆವಿಎಸ್, ಚೌಡಯ್ಯ ಕೊಡುಗೆ
ಸಹಕಾರ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಹಿರಿಯ ಸಹಕಾರಿ ಎಸ್.ಎಲ್.ಮೋಹನ್, ವರ್ಗೀಸ್ ಕುರಿಯನ್ ಅವರು ಗುಜರಾತ್‌ನಲ್ಲಿ ಅಮುಲ್ ಹೆಸರಿನಲ್ಲಿ ಹಾಲಿನ ಸಂಸ್ಥೆಯನ್ನು ಹುಟ್ಟುಹಾಕಿ ದೇಶದಲ್ಲಿಯೇ ಕ್ಷೀರ ಕ್ರಾಂತಿಯನ್ನು ಮಾಡಿ ಬಡವರಿಗೆ ಸ್ವಾಭಿಮಾನ ಜೀವನ ಮಾಡಲು ದಾರಿ ಮಾಡಿಕೊಟ್ಟರು. ಜತೆಗೆ ಸಹಕಾರ ಕ್ಷೇತ್ರ ಮಾಡಲು ಇದೊಂದು ನಿರ್ಣಯ ಮಾಡಿಕೊಟ್ಟರು. ಜಿಲ್ಲೆಯಲ್ಲಿ ಕ್ರಾಂತಿಕಾರಿ ಸಹಕಾರಿ ಕ್ಷೇತ್ರ ಉಳಿಯುವಲ್ಲಿ ಕೆ.ವಿ.ಶಂಕರಗೌಡ ಹಾಗೂ ಡಾ.ಎಚ್.ಡಿ.ಚೌಡಯ್ಯ ಅವರು ಸಹಾಯ ಮಾಡಿದ್ದಾರೆ. ಅದೇ ರೀತಿ ಪ್ರತಿ ತಾಲೂಕಿನಲ್ಲಿಯೂ ಒಬ್ಬ ಹಿರಿಯ ಸಹಕಾರಿ ಇದ್ದೇ ಇರುತ್ತಾರೆ. ಅವರನ್ನು ಸ್ಮರಿಸುವ ಕೆಲಸ ಅಗಬೇಕು ಎಂದು ಸಲಹೆ ನೀಡಿದರು.