ಸ್ವಿಮ್ಮಿಂಗ್‌ನಲ್ಲಿ ಕೌಡ್ಲೆ ಅಕ್ಷರ ಸ್ಕೂಲ್ ಕಮಾಲ್

ಕೇಂದ್ರ ಯುವ ವ್ಯವಹಾರಗಳ ಹಾಗೂ ಕ್ರೀಡಾ ಸಚಿವಾಲಯ, ರಾಜ್ಯ ಸರ್ಕಾರ, ಸ್ವಿಮ್ಮಿಂಗ್ ಫೆಡರೇಷನ್ ಇಂಡಿಯಾ ಹಾಗೂ ಸ್ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ(ಎಸ್‌ಎಐ) ಸಹಯೋಗದಲ್ಲಿ ನಗರದ ಪಿಇಎಸ್ ಈಜು ಕೇಂದ್ರದಲ್ಲಿ ಇತ್ತೀಚೆಗೆ ಆಯೋಜಿಸಿದ್ದ ಜಿಲ್ಲಾಮಟ್ಟದ ಈಜು ಸ್ಪರ್ಧೆಯಲ್ಲಿ ಕೌಡ್ಲೆ ಅಕ್ಷರ ಸ್ಕೂಲ್‌ನ ವಿದ್ಯಾರ್ಥಿಗಳು ಉತ್ತಮ ಸಾಧನೆ ಜತೆಗೆ ಬೆಂಗಳೂರಿನಲ್ಲಿ ನಡೆಯಲಿರುವ ರಾಜ್ಯಮಟ್ಟದ ಟೂರ್ನಿಗೆ ಆಯ್ಕೆಯಾಗಿದ್ದಾರೆ.

ಗ್ರೂಪ್-2ರಲ್ಲಿ 100 ಮೀ ಫ್ರಿಸ್ಟೈಲ್ ವಿಭಾಗದಲ್ಲಿ ಎಸ್.ದೀಕ್ಷಾ(ತೃ), 100 ಮೀ ಬಟರ್ ಪ್ಲೈನಲ್ಲಿ(ದ್ವಿ), 50 ಮೀಟರ್ ಬ್ರೆಸ್ಟ್ ಸ್ಟ್ರೋಕ್‌ನಲ್ಲಿ(ತೃ) ಹಾಗೂ 50 ಮೀಟರ್ ಬಟರ್ ಪ್ಲೈನಲ್ಲಿ(ತೃ) ಬಹುಮಾನ ಪಡೆದುಕೊಂಡಿದ್ದಾರೆ. ಅಂತೆಯೇ ಸಮೀಕ್ಷಾ 100 ಮೀಟರ್ ಬ್ರೆಸ್ಟ್ ಸ್ಟ್ರೋಕ್‌ನಲ್ಲಿ(ದ್ವಿ), 50 ಮೀಟರ್ ಫ್ರಿಸ್ಟೈಲ್ ವಿಭಾಗದಲ್ಲಿ(ತೃ), ಗ್ರೂಪ್-3ರಲ್ಲಿ ನಿರೀಕ್ಷಾ 50 ಮೀಟರ್ ಪ್ಲೈನಲ್ಲಿ(ದ್ವಿ), 50 ಮೀಟರ್ ಬ್ರೆಸ್ಟ್ ಸ್ಟ್ರೋಕ್‌ನಲ್ಲಿ(ದ್ವಿ), 50 ಮೀಟರ್ ಬ್ಯಾಕ್ ಸ್ಟ್ರೋಕ್‌ನಲ್ಲಿ(ದ್ವಿ) ಮತ್ತು 50 ಮೀಟರ್ ಫ್ರಿ ಸ್ಟೈಲ್ ವಿಭಾಗದಲ್ಲಿ(ದ್ವಿ), ಅಮೃತಾ 50 ಮೀಟರ್ ಫ್ರಿ ಸ್ಟೈಲ್ ವಿಭಾಗದಲ್ಲಿ(ತೃ) ಬಹುಮಾನ ಗೆದ್ದುಕೊಂಡಿದ್ದಾರೆ. ಸಾಧಕ ವಿದ್ಯಾರ್ಥಿಗಳನ್ನು ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷ ಡಾ.ಟಿ.ಎನ್.ಧನಂಜಯ ಸೇರಿದಂತೆ ಆಡಳಿತ ಮಂಡಳಿ, ಮುಖ್ಯಶಿಕ್ಷಕ, ಶಿಕ್ಷಕರು ಅಭಿನಂದಿಸಿದ್ದಾರೆ.