ಬೆಳ್ಳಂಬೆಳಗ್ಗೆ ಜಮೀನಿನಲ್ಲಿ ಗಜಪಡೆ ವಾಕಿಂಗ್..!

ಮಂಡ್ಯ: ಮದ್ದೂರು ತಾಲೂಕಿನ‌ ಕೆ.ಕೋಡಿಹಳ್ಳಿ, ಅಗರಲಿಂಗನದೊಡ್ಡಿ, ಹುಣಸೇ ಮರದದೊಡ್ಡಿ ಗ್ರಾಮಗಳ ಸರಹದ್ದಿನಲ್ಲಿ 3 ಕಾಡಾನೆಗಳು ಕಾಣಿಸಿಕೊಂಡಿದ್ದು, ಸುತ್ತಮುತ್ತಲ ಗ್ರಾಮದ ಜನರಲ್ಲಿ ಆತಂಕ ಸೃಷ್ಟಿ ಮಾಡಿದೆ.

ರೈತರ ಜಮೀನಿನಲ್ಲಿ ಕಾಣಿಸಿಕೊಂಡಿರೋ ಈ ಕಾಡಾನೆಗಳು ರೈತರ ಜಮೀನಿನಲ್ಲಿನ ಫಸಲು ತುಳಿದು ಹಾಳು ಮಾಡುತ್ತಿವೆ. ಮತ್ತೊಂದೆಡೆ ಹಳ್ಳಿಯ ಕಡೆ ಬಂದರೆ ಎನ್ನುವ ಆತಂಕ ಎದುರಾಗಿದೆ. ಮಾಹಿತಿ ತಿಳಿದು ಅರಣ್ಯಾಧಿಕಾರಿಗಳು ಈ ಕಾಡಾನೆಗಳನ್ನು ಓಡಿಸುವ ಪ್ರಯತ್ನಕ್ಕೆ ಮುಂದಾಗಿದ್ದು, ಜನರು ಜಾಗೃತಿಯಿಂದ ಇರುವಂತೆ ತಿಳಿಸಿ ರೈತರು ಜಮೀನಿನ ಕಡೆ ಹೋಗದಂತೆ ಎಚ್ಚರಿಕೆ ನೀಡಿದ್ದಾರೆ.

ಸೋಮವಾರ ಕೂಳಗೆರೆ, ಬನ್ನಹಳ್ಳಿ , ಕೆ.ಬೆಳ್ಳೂರು ಗ್ರಾಮಗಳ ಬಳಿ ಆನೆಗಳು ಬೀಡುಬಿಟ್ಟಿದ್ದವು. ಅರಣ್ಯಾಧಿಕಾರಿಗಳು ಮಳವಳ್ಳಿ ತಾಲೂಕಿನ ಹಲಗೂರು ಕಡೆ ಇರುವ ಕಾಡಿಗಟ್ಟಿಸಿದ್ದರು.

ಮಂಗಳವಾರ ಮುಂಜಾನೆ ಶಿಂಷಾ ನದಿ ಮೂಲಕ ಆಗಮಿಸಿರುವ ಆನೆಗಳು ಮದ್ದೂರು ಪಟ್ಟಣದ ಸಮೀಪದಲ್ಲೇ ಬೀಡು ಬಿಟ್ಟಿವೆ. ಈ ಆನೆಗಳು ಮುತ್ತತ್ತಿಯ ಶಿಂಷಾ ಅರಣ್ಯ ಪ್ರದೇಶದಿಂದ ಈ ಕಾಡಾನೆಗಳು ಬಂದಿರಬೇಕೆಂದು ಶಂಕಿಸಲಾಗಿದ್ದು, ಆನೆಯನ್ನು ಮತ್ತೆ ಕಾಡಿಗೆ ಓಡಿಸಲು ಅರಣ್ಯ ಇಲಾಖೆ ಸಿಬ್ಬಂದಿಗಳು ಕಾರ್ಯಾಚರಣೆಗೆ ಮುಂದಾಗಿದ್ದಾರೆ‌.

https://www.vijayavani.net/r-cctv-camera-repair-the-technician-who-showed-the-footage-and-blackmailed-the-couple/

https://www.vijayavani.net/s-wanted-bridegrrom-is-on-social-media/

https://www.vijayavani.net/r-bbk8-bigg-boss-viewers-ask-chakravarthi-to-shut-up-or-get-out-of-the-house/