ಅಂತೆಯೇ ರಾತ್ರಿ 9 ಗಂಟೆಗೆ ಅಂಕನಾಥೇಶ್ವರಸ್ವಾಮಿ, ದೊಡ್ಡಯ್ಯ ಬೀರೇಶ್ವರಸ್ವಾಮಿ, ಎಚ್.ಮಲ್ಲಿಗೆರೆ ಮಂತ್ರಿ ಹುಚ್ಚುರಾಯ ಬೀರೇಶ್ವರಸ್ವಾಮಿ, ವದೇಸಮುದ್ರ ಚಿಕ್ಕಯ್ಯ ಬೀರೇಶ್ವರಸ್ವಾಮಿ, ಏಳೂರಮ್ಮ ದೇವಿಯ ಉತ್ಸವ ನಡೆಯಲಿದೆ. 24ರಂದು ಮುಂಜಾನೆ 4.30ಕ್ಕೆ ಮಂಚಮ್ಮ ದೇವಿ ಕರಗ ಪ್ರತಿಷ್ಠಾಪನೆ, ರಜತ ಬಿಂಬಧಾರಣೆ, ಪ್ರಾಣಪ್ರತಿಷ್ಠೆ, ಗೋಪುರ ಕಳಸ, ಫಲಪಂಚಾಮೃತ ಅಭಿಷೇಕ, ಕುಂಭಾಷೇಕ, 6.30ಕ್ಕೆ ಗೋಪುರ ಕಳಸ ಪ್ರತಿಷ್ಠಾಪನೆ, ಅಷ್ಟಮಹಾಲಕ್ಷ್ಮೀ ಹೋಮ, ಗ್ರಾಮದೇವತೆ ಹೋಮ, 9.30ಕ್ಕೆ ಮಹಾಪೂರ್ಣಾಹುತಿ, ಕಷ್ಮಾಂಡ ಛೇದನ, ಕದಳಿ ವೃಕ್ಷ ಛೇದನ, 10 ಗಂಟೆಗೆ ಅಷ್ಟೋತ್ತರ ಕುಂಕುಮಾರ್ಚನೆ, ಮಹಾಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗವಿರಲಿದೆ. ಅಂದು ಬೆಳಗ್ಗೆ 11.30ಕ್ಕೆ ಅನ್ನಸಂತರ್ಪಣೆ ಹಾಗೂ ರಾತ್ರಿ 10 ಗಂಟೆಗೆ ಶಿವಾರ ಉಮೇಶ್ ಮತ್ತು ತಂಡದವರಿಂದ ಭಕ್ತಿಗೀತೆಗಳ ಗಾಯನ ಆಯೋಜಿಸಲಾಗಿದೆ ಎಂದು ವಿವರಿಸಿದರು.
