ನಾಗದೇವನಹಳ್ಳಿಯ ವ್ಯಾಪಾರಿ ನಾಗರಾಜ್ ಸಿಂಧಗಿ ಎಂಬುವವರ ಮೊಬೈಲ್ ಫೋನ್ಗೆ ಕರೆ ಮಾಡಿದ ವ್ಯಕ್ತಿಯೊಬ್ಬ, ‘35 ಸ್ಯಾನಿಟೈಸರ್ ಸ್ಟಾಂಡ್ ಬೇಕಿವೆೆ. ಮೊದಲು ಹಣ ಪಾವತಿಸುತ್ತೇನೆ. ಆನಂತರ ನನ್ನ ವಿಳಾಸಕ್ಕೆ ಪಾರ್ಸೆಲ್ ಕಳುಹಿಸಿ’ ಎಂದು ಹೇಳಿದ್ದಾನೆ. ಇದನ್ನು ನಂಬಿದ ನಾಗರಾಜ್, ಆ ಅಪರಿಚಿತ ವ್ಯಕ್ತಿ ಕಳುಹಿಸಿದ ಕ್ಯೂಆರ್ ಕೋಡ್ ಸ್ಕ್ಯಾನ್ ಮಾಡಿದ್ದಾರೆ. ಸ್ಕ್ಯಾನ್ ಮಾಡುತ್ತಿದಂತೆ ನಾಗರಾಜ್ ಬ್ಯಾಂಕ್ ಖಾತೆಯಿಂದ 1.18 ಲಕ್ಷ ರೂ. ಕಡಿತವಾಗಿದೆ. ನಂತರ ಆ ನಂಬರ್ಗೆ ಕರೆ ಮಾಡಿದರೆ ಆ ವ್ಯಕ್ತಿ ಕರೆ ಸ್ವೀಕರಿಸಿಲ್ಲ. ಮೋಸ ಹೋಗಿದ್ದನ್ನು ಅರಿತ ನಾಗರಾಜು ಈ ಪೊಲೀಸರ ಮೊರೆ ಹೋಗಿದ್ದಾರೆ. ಆರೋಪಿಯನ್ನು ಜಾರ ಸಿಂಗ್ ಎಂದು ಗುರುತಿಸಲಾಗಿದ್ದು ಆತನ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
