ಸೆ.23ರಂದು ಮಾಗಡಿಯ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಬಿ.ಎಲ್.ಸುರೇಂದ್ರ ಅವರಿಗೆ ಕರೆ ಮಾಡಿದ್ದ ಮುರೆಗಪ್ಪ, ಲೋಕಾಯುಕ್ತ ಡಿವೈಎಸ್ಪಿ ಶಿವಪ್ರಸಾದ್ ಎಂದು ಪರಿಚಯ ಮಾಡಿಕೊಂಡು, ನಿಮ್ಮ ಮೇಲೆ ದೂರು ಬಂದಿದ್ದು ಮನೆ, ಕಚೇರಿ, ಬ್ಯಾಂಕ್ಗಳ ಮೇಲೆ ದಾಳಿ ಮಾಡಬೇಕಾಗುತ್ತದೆ. ಇದನ್ನು ತಡೆದು ಪ್ರಕರಣಕ್ಕೆ ಸಿ ರಿಪೋರ್ಟ್ ನೀಡಬೇಕಾದರೆ 60 ಸಾವಿರ ರೂ. ನೀಡುವಂತೆ ಬೇಡಿಕೆ ಇಟ್ಟಿದ್ದಾನೆ. ಅಷ್ಟು ಹಣ ಇಲ್ಲ ಎಂದು ಸುರೇಂದ್ರ ಹೇಳಿದಾಗ 30 ಸಾವಿರ ರೂ. ನೀಡುವಂತೆ, ಇದನ್ನು ಗೂಗಲ್ ಪೇ ಮಾಡುವಂತೆ ಒತ್ತಾಯಿಸಿದ್ದ. ಇದರಿಂದ ಅನುಮಾನಗೊಂಡು ರಾಮನಗರ ಲೋಕಾಯುಕ್ತ ಕಚೇರಿಯಲ್ಲಿ ಸುರೇಂದ್ರ ವಿಚಾರಿಸಿದಾಗ ದೂರು ನೀಡುವಂತೆ ಸೂಚನೆ ನೀಡಿದ್ದರು. ಐಜೂರು ಪೊಲೀಸರಿಗೆ ಸುರೇಂದ್ರ ದೂರು ನೀಡಿದ್ದರು. ತನಿಖೆ ನಡೆಸಿದ ಪೊಲೀಸರು, ಅಧಿಕಾರಿಗೆ ಬಂದಿದ್ದ ಮೊಬೈಲ್ ಸಂಖ್ಯೆಯ ಜಾಡು ಹಿಡಿದು ಹೋದಾಗ ಆರೋಪಿ ಮಹಾರಾಷ್ಟ್ರದಲ್ಲಿ ಪತ್ತೆಯಾಗಿದ್ದಾನೆ.
