2024ರ ಸೆ. 20ರಂದು ಕಾರ್ಖಾನೆ ಸರ್ವ ಸದಸ್ಯರು ಹಾಗೂ ರೈತ ಸಂಘಗಳ ಒಕ್ಕೂಟದಿಂದ ಅಹೋರಾತ್ರಿ ಧರಣಿ ಮಾಡಲಾಗಿತ್ತು. ಆ ವೇಳೆ ವಾರ್ಷಿಕ ಮಹಾಸಭೆಯಲ್ಲಿ ತನಿಖೆ ಮಾಡಿಸುವ ಠರಾವ್ ಮಾಡಿದ್ದರು. ಈ ಹಿನ್ನೆಲೆ ದೂರು ಅರ್ಜಿಗಳನ್ನು ದಾಖಲಿಸಿಕೊಂಡ ಅಧಿಕಾರಿಗಳಿಗೆ 2018ರಿಂದ 2023ರವರೆಗಿನ ವ್ಯವಹಾರದ ತನಿಖೆ ಮಾಡಲು ಜಿಲ್ಲಾಧಿಕಾರಿಗಳು ಆದೇಶಿಸಿದ್ದಾರೆ. ಇದರಲ್ಲಿ 2024-25ನೇ ವರ್ಷ ಕೈ ಬಿಟ್ಟಿದ್ದು ಸರಿಯಲ್ಲ. ಎಲ್ಲ ಅವಧಿಯ ತನಿಖೆಯೂ ಆಗಬೇಕಿತ್ತು. ತನಿಖಾ ವ್ಯಾಪ್ತಿಯನ್ನು 2023ರಿಂದ 2025ರವರೆಗೆ ವಿಸ್ತರಿಸಬೇಕು ಎಂದು ಆಗ್ರಹಿಸಿದರು. ಶೀಘ್ರ ತನಿಖಾ ಅವಧಿ ವಿಸ್ತರಿಸದಿದ್ದರೆ ಆಮರಣ ಉಪವಾಸ ಸತ್ಯಾಗ್ರಹ ಕೈಗೊಳ್ಳಬೇಕಾಗುತ್ತದೆ ಎಂದು ಮನವಿಯಲ್ಲಿ ಎಚ್ಚರಿಸಿದ್ದಾರೆ. ಬೀರಪ್ಪ ದೇಶನೂರ, ಬಸವರಾಜ ಮೊಕಾಶಿ, ಬಸನಗೌಡ ಪಾಟೀಲ, ಸಣ್ಣಗೌಡ ಪಾಟೀಲ, ಸುರೇಶ ವಾಲಿ ಇತರರಿದ್ದರು.
