ಘಟನಾ ಸ್ಥಳಕ್ಕೆ ಜಿಲ್ಲಾಧಿಕಾರಿ ಸಿ.ಎನ್. ಶ್ರೀಧರ, ಉಪವಿಭಾಗಾಧಿಕಾರಿ ಎಂ.ಗಂಗಪ್ಪ, ಜಿಪಂ ಸಿಇಒ ಭರತ್ ಎಸ್, ತಹಸೀಲ್ದಾರ್ ಶ್ರೀ ಶೈಲ ತಳವಾರ, ತಾಪಂ ಆಡಳಿತಾಧಿಕಾರಿ ಎಚ್.ಬಿ. ಹುಲಗನ್ನವರ, ನರಗುಂದ ತಾಪಂ ಇಒ ಎಸ್.ಕೆ. ಇನಾಂದಾರ, ಕಂದಾಯ ನೀರಿಕ್ಷಕರಾದ ಎಸ್.ಎಲ್. ಪಾಟೀಲ, ಐ.ವೈ. ಕಳಸಣ್ಣವರ, ಗ್ರಾಮಾಡಳಿತ ಅಧಿಕಾರಿ ಶೃತಿ ಭಜಂತ್ರಿ, ಪಿಎಸ್ಐ ಎಫ್.ಎಸ್. ಮಣ್ಣೂರ, ಗ್ರಾಪಂ ಅಭಿವೃದ್ಧಿ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ನಡೆಸಿದರು. ಹವಾಮಾನ ಇಲಾಖೆಯಿಂದ ಗದಗ ಜಿಲ್ಲೆಯನ್ನು ರೆಡ್ ಅಲರ್ಟ್ ಘೊಷಿಸಲಾಗಿದೆ. ನಿರಂತರ ಮಳೆ ಮುಂದುವರಿದು ಸಾರ್ವಜನಿಕರಿಗೆ ತೊಂದರೆ ಉಂಟಾಗುವುದು ಮುನ್ಸೂಚನೆಗಳು ಕಂಡು ಬಂದಲ್ಲಿ ತಾಲೂಕಾಡಳಿತದಿಂದ ಪ್ರವಾಹಕ್ಕೆ ತುತ್ತಾಗುವ ವಿವಿಧ ಗ್ರಾಮಗಳ ಜನ-ಜಾನುವಾರುಗಳ ರಕ್ಷಣೆಗೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಜಿಲ್ಲಾಧಿಕಾರಿಗಳು ತಾಲೂಕಾಡಳಿತಕ್ಕೆ ನಿರ್ದೇಶನ ನೀಡಿದರು.
