ಕಡಿಮೆ ವೇತನಕ್ಕಾಗಿ ದುಡಿಯುತ್ತಿರುವ ಶಿಕ್ಷಕರು ಕುಟುಂಬ ನಿರ್ವಹಣೆ ಮಾಡಲು ಸಾಧ್ಯವಾಗದೆ ಕಷ್ಟ ಪಡಬೇಕಾಗಿದೆ. ಅನುದಾನಿತ ಶಿಕ್ಷಣ ಸಂಸ್ಥೆಗಳಲ್ಲಿ ದುಡಿಯುತ್ತಿರುವ ಗುತ್ತಿಗೆ ಆಧಾರದ ಶಿಕ್ಷಕರಿಗೆ ಅನ್ಯಾಯವಾಗದಂತೆ ಶಿಕ್ಷಕರ ನೇಮಕಾತಿ ವೇಳೆ ಸರ್ಕಾರ ಕ್ರಮ ಕೈಗೊಳ್ಳಬೇಕು. ಈಗಾಗಲೇ ಕರ್ತವ್ಯ ನಿರ್ವಹಿಸುತ್ತಿರುವ ಶಿಕ್ಷಕರಿಗೆ ನೇಮಕಾತಿ ವೇಳೆ ಮೊದಲ ಆದ್ಯತೆ ನೀಡಬೇಕು, ವರ್ಷಕ್ಕೆ ಶೇ.3 ಕೃಪಾಂಕ ನೀಡಿ ಸೇವಾ ಅನುಭವ ಪರಿಗಣಿಸಬೇಕು, ಮೀಸಲಾತಿಯಿಂದ ವಿನಾಯಿತಿ ನೀಡಬೇಕು. ಆಫ್ಲೈನ್ ತಂತ್ರಾಂಶಗಳಲ್ಲಿ ನೇಮಕಾತಿ ಮಾಡಬೇಕು. ಈವರೆಗೆ ದುಡಿದ ಶಿಕ್ಷಕರಿಗೆ ವಯೋಮಿತಿ ಸಡಿಲಗೊಳಿಸಿ ವೃತ್ತಿ ಕಾಯಂಗೊಳಿಸಬೇಕು ಎಂದು ಒತ್ತಾಯಿಸಿದ್ದಾರೆ.
