ಸ್ಥಳೀಯ ಶ್ರೀ ಭದ್ರಕಾಳಿ ಕಾಲೇಜ್ ಸಭಾಂಗಣದಲ್ಲಿ ಇತ್ತೀಚೆಗೆ ಏರ್ಪಡಿಸಿದ್ದ ಬ್ಯಾಂಕ್ ವಾರ್ಷಿಕ ಸರ್ವಸಾಧಾರಣ ಮಹಾಸಭೆಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು. ಸಹಕಾರ ತತ್ವದ ಈ ಬ್ಯಾಂಕ್ ಭಾರತೀಯ ರಿಸರ್ವ ಬ್ಯಾಂಕ್ ನಿಗದಿತ ಮಿತಿಯಲ್ಲಿ ಕಾರ್ಯನಿರ್ವಹಿಸಿ, ಉತ್ತಮ ಆಡಿಟ್ ವರ್ಗೀಕರಣ ಪಡೆದು ಈ ಆರ್ಥಿಕ ವರ್ಷದಲ್ಲಿ 83 ಲಕ್ಷ ರೂ.ಗಳಿಗೂ ಅಧಿಕ ಲಾಭಾಂಶ ದಾಖಲಿಸಿರುವುದು ಹೆಮ್ಮೆಯ ಸಂಗತಿ. ಈ ಹಿನ್ನೆಲೆಯಲ್ಲಿ ಬ್ಯಾಂಕ್ ಸದಸ್ಯರಿಗೆ ಶೇ. 12 ಡಿವಿಡೆಂಡ್ ನೀಡಲು ಆಡಳಿತ ಮಂಡಳಿ ಶಿಫಾರಸು ಮಾಡಿದೆ. ಬ್ಯಾಂಕ್ ವರದಿಯ ವರ್ಷದಲ್ಲಿ 11 ಕೋಟಿ ರೂ. ಗಳಿಗೂ ಹೆಚ್ಚಿನ ಠೇವನ್ನು ಸಂಗ್ರಹಿಸಿ ಒಟ್ಟು 80 ಕೋಟಿ 77 ಲಕ್ಷ ರೂ. ಗಳಿಗೂ ಅಧಿಕ ನಿಕ್ಕಿ ಠೇವನ್ನು ಹೊಂದಿದೆ. ಸದಸ್ಯ ಗ್ರಾಹಕರಿಗೆ ಒಟ್ಟು 53 ಕೋಟಿ 81 ಲಕ್ಷ 88 ಸಾವಿರ ರೂ. ಸಾಲ ನೀಡಲಾಗಿದೆ. ಸಂಸ್ಥೆಯ ಕಟ್ಬಾಕಿ ಪ್ರಮಾಣ ತೃಪ್ತಿದಾಯಕವಾಗಿದೆ. ಗೃಹೋಪಯೋಗಿ, ಗೋ-ಸಾಕಣೆ, ಸಣ್ಣ ಉದ್ದಿಮೆ, ಗೃಹ ನಿರ್ಮಾಣ ಸೇರಿ ಒಟ್ಟು 14 ಪ್ರಕಾರದ ವಿವಿಧ ಸಾಲ ಯೋಜನೆಗಳನ್ನು ಅತ್ಯಂತ ಕಡಿಮೆ ಬಡ್ಡಿದರದಲ್ಲಿ ಬಾಂಕ್ ರೂಪಿಸಿದ್ದು, ಇವುಗಳ ಪ್ರಯೋಜನ ಪಡೆಯುವಂತಾಗಬೇಕು. ಇದರೊಂದಿಗೆ ಬ್ಯಾಂಕ್ ಸದಸ್ಯರಿಗಾಗಿ ಕಲ್ಯಾಣ ನಿಧಿ ಯೋಜನೆ, ವೈದ್ಯಕೀಯ ನೆರವು ಮುಂತಾದ ಸೇವಾ ಸೌಲಭ್ಯಗಳನ್ನು ಪ್ರಾರಂಭಿಸಿದ್ದು ಈ ಎಲ್ಲವುಗಳನ್ನು ಅಗತ್ಯವಿರುವವರು ಸದುಪಯೋಗ ಪಡಿಸಿಕೊಳ್ಳುವಂತೆ ಅವರು ವಿನಂತಿಸಿದರು.
