ಮಾಜಿ ಸಚಿವ ಎಸ್.ಆರ್.ಪಾಟೀಲ ಮಾತನಾಡಿ, ಕಷ್ಟ, ನೋವಿನಲ್ಲಿರುವ ಜನಾಂಗಕ್ಕೆ ಸಹಾಯ ನೀಡಿ ಸ್ವಾಭಿಮಾನದ ಬದುಕನ್ನು ಸಾಗಿಸಿದಾಗ ಮಲ್ಲಮ್ಮ ಹಾಗೂ ಮಹಾಯೋಗಿ ವೇಮನರ ಆದರ್ಶಗಳಿಗೂ ಪೂರಕ ಆಗುತ್ತದೆ. ಮೌಲ್ಯ ಮತ್ತು ತತ್ವಗಳಿಗೆ ಬದ್ಧರಾಗಿ ನಡೆದುಕೊಂಡ ಹೇಮರಡ್ಡಿ ಮಲ್ಲಮ್ಮ ಅವರು ಸಮಾಜದ ಮಹಿಳೆಯರಿಗೆ ಆದರ್ಶಪ್ರಾಯರಾಗಿದ್ದಾರೆ ಎಂದರು.
ಎರೆಹೊಸಳ್ಳಿಯ ವೇಮನಾನಂದ ಸ್ವಾಮೀಜಿ ಸಾನ್ನಿಧ್ಯ ವಹಿಸಿ ಮಾತನಾಡಿ, ಸಮಾಜ ಬಾಂಧವರು ಧರ್ಮವಂತರಾಗಿ ಕಾಯಕ ನಿಷ್ಠೆಯಿಂದ ಇತರರೊಂದಿಗೆ ಭಾವನಾತ್ಮಕ ಸಂಬಂಧ ಹೊಂದಿ ಜೀವನ ಸಾಗಿಸಬೇಕೆಂದರು.
ಗುಳೇದಗುಡ್ಡ ಮರಡಿಮಠದ ಕಾಡಸಿದ್ಧೇಶ್ವರ ಶಿವಾಚಾರ್ಯ ಶ್ರೀಗಳ ನೇತೃತ್ವದಲ್ಲಿ ಹೋಮ ಹವನ ಪ್ರಾಣ ಪ್ರತಿಷ್ಠಾನ ತೊಟ್ಟಿಲೋತ್ಸವ ಕಾರ್ಯಕ್ರಮ ಜರುಗಿತು. ಸಂಸ್ಥೆಯ ಅಧ್ಯಕ್ಷ ರವಿ ಗಿರಿಜಾ ಅಧ್ಯಕ್ಷತೆ ವಹಿಸಿದ್ದರು. ಗುಳೇದಗುಡ್ಡದ ಒಪ್ಪತ್ತೇಶ್ವರ ಶ್ರೀಗಳು, ಲೋಕಾಪುರದ ಬಸವ ಪ್ರಭು ಶ್ರೀ, ಜಗನ್ನಾಥ ಶ್ರೀ, ಮಾಜಿ ಸಚಿವರಾದ ಎನ್.ಎಚ್.ಶಿವಶಂಕರರೆಡ್ಡಿ, ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಅಜಯ ಸರನಾಯಕ, ಶಾಸಕರಾದ ಎಚ್.ವೈ.ಮೇಟಿ, ಪಿ.ಎಚ್.ಪೂಜಾರ, ಜೆ.ಟಿ.ಪಾಟೀಲ, ಮಾಜಿ ಶಾಸಕ ದೊಡ್ಡನಗೌಡ ಪಾಟೀಲ, ಶಿವಾನಂದ ಮೆಳ್ಳಿಗೇರಿ, ಭೂದಾನಿಗಳಾದ ಮಲ್ಲಮ್ಮ ಗುಲಗಂಜಿ, ಸಾವಿತ್ರಿ ಕೆಂಪಲಿಂಗನ್ನವರ , ಡಾ. ಶೈಲೇಶಕುಮಾರ ಎಮ್ಮಿ, ಎಸ್.ಬಿ.ಮಾಚಾ, ತಮ್ಮಣ್ಣ ಗಿರಿಜಾ, ಶಂಕರ ದೇಸಾಯಿ ಇದ್ದರು. ಸಂಜಯ ನಡುವಿನಮನಿ, ಬಿ.ಎಂ ಪಾಟೀಲ ನಿರೂಪಿಸಿ ವಂದಿಸಿದರು.
