ಕಾರವಾರ: ಮಹಾರಾಷ್ಟ್ರದ ಮಾಜಿ ಗೃಹ ಸಚಿವ ಹಾಗೂ ಹಾಲಿ ಶಿವಸೇನಾ ಎಂಪಿ ಗಜಾನನ ಕೀರ್ತಿಕರ್ ಮೂಲತಃ ಕಾರವಾರದವರಾಗಿದ್ದು, ಶನಿವಾರ ಹುಟ್ಟೂರಿಗೆ ಆಗಮಿಸಿ ತಮ್ಮ ಬಾಲ್ಯದ ದಿನಗಳನ್ನು ನೆನೆಸಿಕೊಂಡರು.
ಇಲ್ಲಿನ ಮಾರುತಿ ದೇವಸ್ಥಾನದ ಕಾರವಾರ ಚಾ ರಾಜಾ ಸಾರ್ವಜನಿಕ ಗಣಪತಿಯ ದರ್ಶನ ಪಡೆದ ಅವರು ನಂತರ ನಡೆದ ಸಭೆಯಲ್ಲಿ ಮಾತನಾಡಿದರು. ಕಾರವಾರದ ನನ್ನ ಹುಟ್ಟೂರು ಎಂಬ ಅಭಿಮಾನವಿದೆ. ನಾನು ಪುಣೆಗೆ ಹೋಗಿ ನೆಲೆಸಿ ಓದಿ, ರಾಜಕೀಯದಲ್ಲಿ ಉನ್ನತ ಸ್ಥಾನಕ್ಕೇರಿದರೂ ಈ ಊರಿನ ಜತೆ ನನ್ನ ಸಂಬಂಧ ಬಿಡಿಸಲಾರದ ನಂಟು. ಮಾರುತಿ ದೇವಸ್ಥಾನ ಜೀರ್ಣೋದ್ಧಾರಕ್ಕೆ ಹಣ ಸಂಗ್ರಹಿಸಿದ ನೆನಪು ಇನ್ನೂ ಇದೆ. ಈಗ ಅಂಕೋಲಾ ಮೂಲದ ಮುಂಬೈ ಉದ್ಯಮಿ ಕಿಶೋರ ಅವರ್ಸೇಕರ್ ನನ್ನನ್ನು ಇಲ್ಲಿಗೆ ಕರೆತಂದರು ಎಂದರು. ದೇವರ ದರ್ಶನ ಪಡೆದು ಖುಷಿಯಾಗಿದೆ ಎಂದು ಎಂಪಿ ಕೀರ್ತಿಕರ್ ಹೇಳಿದರು.
