ಸದಾ ಉತ್ಸಾಹವಂತರಾಗಿ, ವರ್ತಮಾನದಲ್ಲಿ ಜೀವಿಸುವ ಕಲೆ ಕರಗತ ಮಾಡಿಕೊಂಡರೆ ಯಾವ ಪಠ್ಯವಿಷಯವೂ ಕಷ್ಟವಾಗದು. ಅಭ್ಯುದಯಕ್ಕೆ ಪೂರಕವಾಗುವ ಸ್ನೇಹಿತರು, ಏಳಿಗೆಗೆ ಬೇಕಾದ ಆಂತರಿಕ ಸಾಮರ್ಥ್ಯಗಳು ನಮ್ಮನ್ನು ಎತ್ತರಕ್ಕೆ ಕೊಂಡೊಯ್ಯುತ್ತವೆ. ಈ ನಿಟ್ಟಿನಲ್ಲಿ ಸ್ಕೂಲ್ ಆಫ್ ಇಂಜಿನಿಯರಿಂಗ್ನ ಖ್ಯಾತಿಯನ್ನು ಜಗತ್ತಿನೆಲ್ಲೆಡೆ ಪಸರಿಸಲು ಮುಂದಾಗಿ ಎಂದವರು ಹಾರೈಸಿದರು.
ಮೈಸೂರು ವಿವಿ ಸ್ಕೂಲ್ ಆಫ್ ಇಂಜಿನಿಯರಿಂಗ್ನ ನಿರ್ದೇಶಕ ಪ್ರೊ. ಅನಂತಪದ್ಮನಾಭ ಪ್ರಾಸ್ತಾವಿಕವಾಗಿ ಮಾತನಾಡಿದರು. ವಿವಿ ವಿಶೇಷಾಧಿಕಾರಿ ಚೇತನ್, ಡೀನ್ ಡಾ.ಶಂಕರ್, ಸಿಂಡಿಕೇಟ್ ಸದಸ್ಯ ಡಾ.ಇ.ಸಿ. ನಿಂಗರಾಜಗೌಡ ಇತರರು ಹಾಜರಿದ್ದರು. ನಿವೃತ್ತಿ ಹೊಂದಲಿರುವ ಕುಲಪತಿಗಳಿಗೆ ಇದೇ ಸಂದರ್ಭ ಮೈಸೂರು ಪೇಟ ತೊಡಿಸಿ ಸನ್ಮಾನಿಸಲಾಯಿತು.
