ನಗರದ ಹೊರವಲಯದಲ್ಲಿರುವ ಶ್ರೀ ಸಾಯಿ ಏಂಜಲ್ಸ್ ಶಾಲೆಯಲ್ಲಿ ವಿಜಯವಾಣಿ ದಿನಪತ್ರಿಕೆ ಸಹಯೋಗದಲ್ಲಿ ಆಯೋಜಿಸಲಾಗಿದ್ದ ಶ್ರೀಕೃಷ್ಣ ಜನ್ಮಾಷ್ಠಮಿ ಕಾರ್ಯಕ್ರಮದಲ್ಲಿ ಮಕ್ಕಳಿಗೆ ಶ್ರೀಕೃಷ್ಣನ ಕುರಿತು ವಿಶೇಷ ಉಪನ್ಯಾನ ನೀಡಿದ ಅವರು, ಕಂಸ ಹಾಗೂ ರಾಕ್ಷಸರ ಉಪಟಳ ಹೆಚ್ಚಾದ ಹಿನ್ನೆಲೆಯಲ್ಲಿ ಸಾಕ್ಷಾತ್ ಮಹಾವಿಷ್ಣುವೆ ಕೃಷ್ಣನ ರೂಪದಲ್ಲಿ ದೇವಕಿಯ ಮಗನಾಗಿ ಜನಿಸುವ ಮೂಲಕ ಸಮಾಜವನ್ನು ಕಾಪಾಡುತ್ತಾನೆ ಎಂದರು.
ದ್ವಾರಕಾ ದೇಶದ ರಾಜನಾಗಿ ಉಗ್ರ ಸೇನಾ ಆಡಳಿತ ನಡೆಸುತ್ತಿರುತ್ತಾನೆ. ಈತನ ಮಕ್ಕಳೇ ಕಂಸ ಹಾಗೂ ದೇವಕಿ. ತನ್ನ ಸಹೋದರಿಯ ಮಗನಿಂದಲೇ ತನ್ನ ಅಂತ್ಯ ಎಂದು ಅರಿತ ಕಂಸ ರಾಕ್ಷಸನಾಗಿ ರೂಪುಗೊಳ್ಳುತ್ತಾನೆ. ತನ್ನ ತಂಗಿಗೆ ಮಗು ಜನಿಸಿದ ಕ್ಷಣ ಅವುಗಳನ್ನು ನಿರಂತರವಾಗಿ ಕೊಲ್ಲಿಸುವ ಕೆಲಸ ಮಾಡುತ್ತಾನೆ. ಆದರೆ ದೇವಕಿಗೆ ೭ನೇ ಮಗುವಾಗಿ ಕೃಷ್ಣನ ಜನನವಾಗುತ್ತದೆ. ಆದರೆ ಕಂಸನಿಗೆ ಕೃಷ್ಣನನ್ನು ಕೊಲ್ಲಲು ಸಾಧ್ಯವಾಗುವುದಿಲ್ಲ. ಬದಲಿಗೆ ಕೃಷ್ಣನೇ ಕಂಸನಿಗೆ ಅಂತ್ಯವನ್ನು ಕಾಣಿಸುವ ಮೂಲಕ ದ್ವಾರಕಾ ದೇಶವನ್ನು ಕಾಪಾಡುತ್ತಾನೆ ಎಂದು ಹೇಳಿದರು.
ಬ್ರಹ್ಮ, ವಿಷ್ಣು, ಮಹೇಶ್ವರ, ಕೃಷ್ಣ, ಪುಟ್ಟಪರ್ತಿ ಸಾಯಿಬಾಬಾ, ಶಿರಡಿ ಸಾಯಿಬಾಬಾ, ಶ್ರೀ ಸತ್ಯ ಸಾಯಿಬಾಬಾ ಹೀಗೆ ಎಲ್ಲರೂ ಸಮಾಜವನ್ನು ಉದ್ದಾರ ಮಾಡುವ ಉz್ದೆÃಶದಿಂದಲೇ ಜನ್ಮ ತಾಳಿದ್ದಾರೆ. ಇವರ ಆದರ್ಶಗಳನ್ನು ಪ್ರತಿಯೊಬ್ಬರೂ ಪಾಲನೆ ಮಾಡಿದಾಗ ಸಮಾಜದಲ್ಲಿ ಕೆಟ್ಟದು ಎಂಬ ಯಾವುದೇ ಕೆಲಸವಾಗುವುದಿಲ್ಲ ಎಂದರು.
ಕಾರ್ಯಕ್ರಮದಲ್ಲಿ ಶ್ರೀಸಾಯಿ ಏಂಜಲ್ಸ್ ಶಾಲೆಯ ಮುಖ್ಯಸ್ಥರಾದ ವಿಜಯಾ ನಾಗೇಶ್, ವಿಜಯವಾಣಿ ಸ್ಥಾನಿಕ ಸಂಪಾದಕ ಶೃಂಗೇರಿ ಚಂದ್ರಶೇಖರ್, ಜಾಹಿರಾತು ವಿಭಾಗದ ಮುಖ್ಯಸ್ಥ ದೇವಕುಮಾರ್, ಶ್ರೀಸಾಯಿ ಏಂಜಲ್ಸ್ ಶಾಲೆಯ ಪ್ರಕಾಶ್ ಮತ್ತಿತರರಿದ್ದರು.
