ಉತ್ತರ ಭಾರತದ ಮಧ್ಯಪ್ರದೇಶ, ರಾಜಸ್ಥಾನ ಹಾಗೂ ಗುಜರಾತ್ ರಾಜ್ಯಗಳ ದಾಳಿ ರೀತಿಯಲ್ಲಿ ಜಿಲ್ಲೆಗೂ ಲಗ್ಗೆ ಇಟ್ಟಿವೆ ಎಂಬ ವದಂತಿ ಹಿನ್ನೆಲೆಯಲ್ಲಿ ವಿಜ್ಞಾನಿಗಳಿಬ್ಬರು ಗುರುವಾರ ದಿಂಬ ಗ್ರಾಮಕ್ಕೆ ಭೇಟಿ ನೀಡಿ ಹೊಲ ಮತ್ತು ಗ್ರಾಮದಲ್ಲಿ ಕಾಣಿಸಿಕೊಂಡ ಮಿಡತೆಗಳ ಪರಿಶೀಲನೆ ನಡೆಸಿದರು. ಉತ್ತರ ಭಾರತಕ್ಕೆ ಪಾಕಿಸ್ತಾನದ ಕಡೆಯಿಂದ ಹಾರಿ ಬಂದಿರುವ ಮಿಡತೆಗಳಿಗೂ ಇಲ್ಲಿ ಕಂಡು ಬಂದಿರುವ ಸ್ಥಳೀಯ ಮಿಡತೆಗಳ ಪ್ರಭೇದಕ್ಕೂ ಸಂಬಂಧವಿಲ್ಲ. ಅಲ್ಲಿನ ಮಿಡತೆಗಳು ಬೆಳೆ ಹಾನಿ ಮಾಡುತ್ತವೆ. ಆದರೆ ಸ್ಥಳೀಯ ಮಿಡತೆಗಳಿಂದ ಬೆಳೆ ಹಾನಿಯಾಗುವುದಿಲ್ಲ ಎಂದು ಸಸ್ಯ ಸಂರಕ್ಷಣಾ ವಿಭಾಗದ ವಿಜ್ಞಾನಿ ಡಾ.ಸುಧಾಕರ್ ಹಾಗೂ ಡಾ.ಷಹೀರ್ ಕಾರ್ತಿಕ್ ಗ್ರಾಮಸ್ಥರ ಪ್ರಶ್ನೆಗೆ ಉತ್ತರಿಸಿ ಆತಂಕ ನಿವಾರಿಸಿದರು.
