ಬಂಗಾರಪೇಟೆ ತಾಲೂಕು ಬಲಮಂದೆ ಗ್ರಾಮದಲ್ಲಿ ಪರಿಶಿಷ್ಟ ಜಾತಿ ಸಮುದಾಯಕ್ಕೆ ಸೇರಿದ ಭಾರತಮ್ಮ ಮತ್ತು ವೆಂಕಟೇಶಪ್ಪ ದಂಪತಿ ಕುಟುಂಬ ಸಮೇತ ವಾಸವಾಗಿದ್ದರು. 2022ರಲ್ಲಿ ತಾಲೂಕಿನಲ್ಲಿ ಸುರಿದ ಅಕಾಲಿಕ ಮಳೆಯಿಂದಾಗಿ ವಾಸವಿದ್ದ ಮನೆ ಕುಸಿದು ಸಂಪೂರ್ಣ ಹಾನಿಯಾಗಿತ್ತು. ವಾಸಿಸಲು ಮನೆ ಇಲ್ಲದೇ ಪರದಾಡುತ್ತಿದ್ದ ಕುಟುಂಬಕ್ಕೆ ಗ್ರಾಮಸ್ಥರು ಹಾಗೂ ಪಂಚಾಯಿತಿ ಆಶ್ರಯ ಕಲ್ಪಿಸಿದ್ದರು. ಪ್ರಕೃತಿ ವಿಕೋಪದಿಂದ ಮನೆ ನಾಶವಾದ ಕಾರಣ ಕಂದಾಯ ಇಲಾಖೆಯ ಅಧಿಕಾರಿಗಳು ಸಮೀಕ್ಷೆ ನಡೆಸಿ ನೂತನ ಮನೆ ಕಟ್ಟಲು ಹಣ ನೀಡುವ ಭರವಸೆ ನೀಡಿದ್ದರು. ಅದರಂತೆ ಎಲ್ಲ ದಾಖಲೆಗಳನ್ನು ಪಡೆದು ಜಿಲ್ಲಾಧಿಕಾರಿಗಳಿಗೆ ಸಿಾರಸು ಮಾಡಲಾಗಿತ್ತು. ಅನುದಾನ ಹಾಗೂ ಮನೆ ನಿಮಾರ್ಣಕ್ಕೆ ಬೇಕಾದ ಜಿಪಿಎಸ್ ಇತ್ಯಾದಿಗಳನ್ನು ಮಾಡಿ ವರದಿ ಸಲ್ಲಿಕೆಯಾಗಿತ್ತು. ಅದರಂತೆ ನೂತನ ಮನೆ ನಿಮಾರ್ಣಕ್ಕೆ ಜಿಲ್ಲಾಧಿಕಾರಿಗಳು ಒಟ್ಟು 3.5 ಲಕ್ಷ ರೂ. ಅನುದಾನ ಮಂಜೂರು ಮಾಡಿದ್ದು, ಮೊದಲ ಹಂತವಾಗಿ ಸುಮಾರು 80 ಸಾವಿರ ರೂ.ಗಳನ್ನು ಫಲಾನುಭವಿ ಖಾತೆಗೆ ಜಮೆ ಆಗಿದೆ. ಸರ್ಕಾರದಿಂದ ಬಂದ ಹಣದ ಜತೆಗೆ ಸಾಲ ಸೋಲ ಮಾಡಿ ಮನೆ ನಿರ್ಮಿಸಿಕೊಳ್ಳಲು ಮುಂದಾದ ಭಾರತಮ್ಮ ಪಾಯ ಹಾಕಿ ಲಿಂಟಲ್ ಮಟ್ಟದವರೆಗೂ ನಿಮಾರ್ಣದ ಕಾರ್ಯ ಮಾಡಿದ್ದಾರೆ. ಮುಂದೆ ಸರ್ಕಾರದಿಂದ ಬರುವ ಹಣದಿಂದ ಮನೆಯನ್ನು ಪೂರ್ಣಗೊಳಿಸಿಕೊಳ್ಳೊಣ ಎಂದು ಕಳೆದ ಮೂರು ವರ್ಷಗಳಿಂದ ಚಾತಕ ಪಕ್ಷಿಯಂತೆ ಕಾಯುತ್ತಿದ್ದಾರೆ. ಆದರೆ ಅಧಿಕಾರಿಗಳ ರ್ನಿಲಕ್ಷ$್ಯದಿಂದ ಮುಂದೆ ಬರಬೇಕಿದ್ದ ಅನುದಾನ ಬಾರದೆ ಗುಡಿಸಿಲಿನಲ್ಲಿ ಕಾಲ ಕಳೆಯುವಂತಾಗಿದೆ.
