ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ವೀರಸಾಗರದಲ್ಲಿ 4 ದಿನಗಳ ಹಿಂದೆ 55 ವರ್ಷದ ಮಹಿಳೆ ಕರೊನಾದಿಂದ ಮೃತಪಟ್ಟಿದ್ದಾರೆ. ಬಳಿಕ ಆಕೆಯ ಸಂಪರ್ಕದಲ್ಲಿದ್ದ 12 ಮಂದಿಯನ್ನು ಕ್ವಾರಂಟೈನ್ ಮಾಡಲಾಗಿದೆ. ಮಹಿಳೆ ಮನೆ ಸೇರಿ ಸಂಬಂಧಿಕರ ಮನೆಗಳು ಸೀಲ್ಡೌನ್ ಆಗಿವೆ. ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಕ್ವಾರಂಟೈನ್ ಮಾಡುವಾಗ ಈ ಮನೆಗಳ ಜಾನುವಾರುಗಳ ಸ್ಥಿತಿಗತಿ ಯೋಚಿಸಲಿಲ್ಲ. ಅವೆಲ್ಲ ಅಲ್ಲೇ ಇವೆ. ಸೀಲ್ಡೌನ್ ಇರುವುದರಿಂದ ಯಾರೂ ಹೋಗುವಂತಿಲ್ಲ. ಪರಿಣಾಮವಾಗಿ ಮೂಕ ಪ್ರಾಣಿಗಳು ನೀರು, ಮೇವಿಲ್ಲದೆ ಪರಿತಪಿಸುತ್ತಿವೆ. ಜಾನುವಾರುಗಳ ಪರಿಸ್ಥಿತಿ ನೋಡಲಾರದೆ ನೆರೆ-ಹೊರೆಯ ಕೆಲವರು ಮೇವು ಹಾಕುತ್ತಿದ್ದರೂ ಜಾನುವಾರುಗಳಿಗೆ ಸಾಕಾಗುವಷ್ಟು ಮೇವು ಸಿಗುತ್ತಿಲ್ಲ.
