ನಗರದ ಸಂಗೊಳ್ಳಿ ರಾಯಣ್ಣ ಪ್ರಥಮ ದರ್ಜೆ ಘಟಕ ಮಹಾವಿದ್ಯಾಲಯದ ಭೂ ಮಾಹಿತಿ ಶಾಸ್ತ್ರ ವಿಭಾಗದಿಂದ ಭೌಗೋಳಿಕ ಮಾಹಿತಿ ವ್ಯವಸ್ಥೆ ದಿನಾಚರಣೆಯ ನಿಮಿತ್ತ ‘ಹವಾಮಾನ ಬದಲಾವಣೆ ಮತ್ತು ದೂರ ಸಂವೇದನಾಶೀಲತೆ’ ಎಂಬ ವಿಶೇಷ ಉಪನ್ಯಾಸ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು. ಹವಾಮಾನ ಬದಲಾವಣೆಯು ಕೈಗಾರಿಕೆಯಿಂದ ಹೊರಬರುವ ತ್ಯಾಜ್ಯವಸ್ತುಗಳು, ಹೊರಸೂಸುವ ವಿಷಪೂರಿತ ಗಾಳಿ, ವಾಹನದಿಂದ ಹೊರಸೂಸುವ ವಿಷಯುಕ್ತ ಅನಿಲ ಇನ್ನೂ ಅನೇಕ ಮೂಲಗಳಿಂದ ಪರಿಸರ ಹಾಳಾಗುತ್ತಿದ್ದು, ಜೀವಿಗಳ ಮೇಲೆ ವಿಪರೀತ ಪರಿಣಾಮ ಬೀರುತ್ತಿದೆ. ಇದರಿಂದಾಗಿ ಭೂಮಿಯ ಮೇಲಿನ ಜೀವ ಸಂಕುಲಕ್ಕೆ ಗಂಡಾಂತರ ಎದುರಾಗಿದೆ. ಇಂಥ ಸಂದರ್ಭದಲ್ಲಿ ಜಗತ್ತು ಹವಾಮಾನ ವೈಪರಿತ್ಯದ ಕಡೆಗೆ ತುರ್ತಾಗಿ ಗಮನ ಹರಿಸಬೇಕು. ಅದಕ್ಕೆ ಬೇಕಾದ ಅತ್ಯುತ್ತಮ ಯೋಜನೆ ರೂಪಿಸಬೇಕು. ತನ್ನ ಬದುಕಿನ ಜತೆಗೆ ಇತರ ಜೀವಿಗಳ ಬದುಕು ಇದೆ ಎಂಬುದನ್ನು ಮಾನವ ಅರಿತು ಬದುಕಬೇಕು ಎಂದರು.
