ಸಮ್ಮೇಳನದ ವಿಷಯವಾಗಿ ಅಂಕುಡೊಂಕು, ಓರೆಕೋರೆ, ತಪ್ಪುಒಪ್ಪುಗಳನ್ನು ಸೀಮಿತ ಚೌಕಟ್ಟಿನಲ್ಲಿರಿಕೊಂಡು ಮಂಡ್ಯದ ಕೀರ್ತಿ ನಾಡಿನಾದ್ಯಂತ ಹರಡುವಂತೆ ಯಶಸ್ವಿಗೊಳಿಸುವ ಜವಾಬ್ದಾರಿ ನಮ್ಮ ಮೇಲಿದೆ. ನಮ್ಮ ಉದ್ದೇಶ, ನಿರ್ಧಾರ, ಆಶಯಗಳ ಒತ್ತಾಯಕ್ಕೆ ಸಂಬಂಧಿಸಿದಂತೆ ಕಸಾಪ ಅಧ್ಯಕ್ಷರಿಗೆ ಸಲಹೆ ನೀಡೋಣ. ಈ ಹಿಂದೆ ಹಳೆಗನ್ನಡ ಕವಿ, ಸಾಹಿತಿಗಳಾದ ಸಮ್ಮೇಳನಾಧ್ಯಕ್ಷರು ಪೀಠಾಧ್ಯಕ್ಷರನ್ನು ಸಾನಿಧ್ಯ ವಹಿಸದಂತೆ ಹೇಳಿ, ಸಮ್ಮೇಳನದ ಅಂತ್ಯದಲ್ಲಿ ತಮ್ಮ ಮಗಳಿಗೆ ಮಠದ ವೈದ್ಯಕೀಯ ಕಾಲೇಜಿನಲ್ಲಿ ಸೀಟು ಕೇಳಿದ ಪ್ರಸಂಗ ನಡೆದಿದೆ. ಮತ್ತೊಂದು ಪ್ರಸಂಗದಲ್ಲಿ ಸಾಹಿತ್ಯ ಪರಿಷತ್ನ ಅಧ್ಯಕ್ಷರೊಬ್ಬರು ಸಮಾರೋಪ ಸಮಾರಂಭಕ್ಕೆ ಬರಬೇಕಾದರೆ ಮಠಾಧೀಶರು ಬರದಂತೆ ಹೇಳಿ, ಒಂದು ವರ್ಷದ ನಂತರ ಸಾಹಿತ್ಯ ಪರಿಷತ್ನ ಅಧ್ಯಕ್ಷ ಚುನಾವಣೆಯಲ್ಲಿ ಅದೇ ಮಠಾಧೀಶರಿಗೆ ಪತ್ರ ಬರದು ಭಕ್ತ ಸಾಹಿತಿಗಳು ಮತ ಹಾಕುವಂತೆ ಮನವಿ ಮಾಡಿದ್ದರು. ಆದ್ದರಿಂದ ಸಾಹಿತಿಯ ವೈಯಕ್ತಿಕ ಸಾಧನೆ ಮುಖ್ಯವಲ್ಲ. ಸಾಹಿತ್ಯ ಲೋಕಕ್ಕೆ ನೀಡುವ ಕೊಡುಗೆಯ ಆಧಾರದ ಮೇಲೆ ಸಮ್ಮೇಳನಾಧ್ಯಕ್ಷರ ಆಯ್ಕೆ ನಡೆಯಬೇಕಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
