ರಾಜೇಂದ್ರಕುಮಾರ ಸಾವಿಗೆ ಅವೈಜ್ಞಾನಿಕ ಕಾಮಗಾರಿಯೇ ಕಾರಣ ಎಂದು ಸ್ಥಳೀಯರು ಆಕ್ರೋಶ ಹೊರಹಾಕಿದ್ದಾರೆ. ವಲ್ಲಭಬಾಯಿ ನಗರದಿಂದ ವಿಶ್ವೇಶ್ವರ ವೃತ್ತದವರೆಗೆ ರಸ್ತೆ ಡಾಂಬರೀಕರಣ ಕಾಮಗಾರಿ ನಡೆದಿದೆ. ಕಳೆದ ಹಲವು ದಿನಗಳಿಂದ ಕಾಮಗಾರಿ ನಡೆಯುತ್ತಿದ್ದು, ಎಲ್ಲೆಂದರಲ್ಲಿ ಅಗೆಯಲಾಗಿದೆ. ದಪ್ಪ ಕಡಿ ಹಾಕಿದ್ದು, ಕಬ್ಬಿಣದ ಸರಳು ಅಳವಡಿಸಿ ಪೂರಕ ಕಾಮಗಾರಿ ಕೈಗೊಳ್ಳಲಾಗಿದೆ. ರಾಮನಗರದ ಹತ್ತಿರದ ರುಡ್ಸೆಟ್ ಸಂಸ್ಥೆ ಬಳಿ ಆಳವಾದ ತಗ್ಗು ತೋಡಲಾಗಿದೆ. ರಸ್ತೆ ಆರಂಭ ಮತ್ತು ಅಂತ್ಯದಲ್ಲಿ ಯಾವುದೇ ಬ್ಯಾರಿಕೇಡ್ ಅಳವಡಿಸಿಲ್ಲ. ರೆಡ್ ರಿಬ್ಬನ್ ಇಲ್ಲ, ರೇಡಿಯಂ ಸಹ ಇಲ್ಲ. ಯಾವುದೇ ರೀತಿಯ ಮುಂಜಾಗೃತ ಫಲಕಗಳೂ ಇಲ್ಲ. ನಗರದೆಲ್ಲೆಡೆ ಇದೇ ರೀತಿ ಕಾಮಗಾರಿ ಕೈಗೊಳ್ಳುತ್ತಿದ್ದು, ಎಚ್ಚೆತ್ತುಕೊಳ್ಳದೇ ಹೋದರೆ ಇಂತ ಅದೆಷ್ಟು ಸಾವು ಕಣ್ಣಾರೆ ಕಾಣಬೇಕಾಗುತ್ತದೋ…? ಎಂದು ಸ್ಥಳೀಯರು ಆತಂಕ ಮಿಶ್ರಿತ ಆಕ್ರೋಶ ಹೊರಹಾಕಿದ್ದಾರೆ.
