ಬೇಸಿಗೆ ಬಂತೆಂದರೆ ರಜೆ ದಿನಗಳು ಆರಂಭವಾಗುತ್ತವೆ. ಈ ವೇಳೆ ಕೆಲವರು ಸ್ವಗ್ರಾಮ ಅಥವಾ ಪ್ರೇಕ್ಷಣೀಯ ಸ್ಥಳಗಳಿಗೆ ಪ್ರವಾಸ ತೆರಳುತ್ತಾರೆ. ಇನ್ನು ಕೆಲವರು ಕಾರಣಾಂತರಗಳಿಂದ ಎಲ್ಲಿಯೂ ತೆರಳಲಾಗದೆ ಇದ್ದೂರಲ್ಲಿಯೇ ಉಳಿಯುತ್ತಾರೆ. ಬೇಸಿಗೆ ಸಮಯದಲ್ಲಿ ಮಕ್ಕಳು ರಜಾ ದಿನಗಳನ್ನು ಕಳೆಯಲು ಬಿರು ಬಿಸಿಲು ಲೆಕ್ಕಿಸದೆ ಖಷಿಯಿಂದ ಈಜು ಸೇರಿ ವಿವಿಧ ಕ್ರೀಡೆಗಳನ್ನು ಆಡುತ್ತಾರೆ. ಇನ್ನು ಕೆಲ ಮಕ್ಕಳು ಕಂಪ್ಯೂಟರ್, ಪಾಠ-ಪ್ರವಚನ, ಕೋಚಿಂಗ್ ಸೆಂಟರ್ಗೆ ತೆರಳುತ್ತಾರೆ. ಆದರೆ ಬೇಸಿಗೆ ರಜೆ ದಿನಗಳನ್ನೇ ಕಾಯುವ ವ್ಯಾಪಾರಿಗಳು ಮನರಂಜನೆ, ಸರ್ಕಸ್, ಎಕ್ಸಿಬಿಷನ್, ಒಂಟೆ, ಕುದುರೆ, ಕರಡಿ ಸೇರಿದಂತೆ ಅನೇಕ ರೀತಿಯಲ್ಲಿ ಪಟ್ಟಣಕ್ಕೆ ಲಗ್ಗೆ ಇಡುತ್ತಾರೆ.
