ಅಪೂರ್ವ ಕರಿಕಟ್ಟಿ ಮತ್ತು ವೀಣಾ ಶೆಟ್ಟಿ ತೀರ್ಪುಗಾರರಾಗಿ ಆಗಮಿಸಿದ್ದರು. ವೀಣಾ ಶೆಟ್ಟಿ ಮಾತನಾಡಿ, ಸ್ಪರ್ಧಿಗಳು ರಾಗ, ತಾಳ, ಭಾವ, ಉಚ್ಛಾರ ಎಲ್ಲದರತ್ತ ಹೆಚ್ಚಿನ ಗಮನ ಕೊಡಬೇಕು. ಸಂಗೀತಾಭ್ಯಾಸದೊಂದಿಗೆ ಬೇರೆಯವರ ಸಂಗೀತ ಕೇಳುವುದನ್ನು ರೂಢಿಸಿಕೊಳ್ಳಬೇಕು. ಈ ಸ್ಪರ್ಧೆಯು ನಮ್ಮ ಸನಾತನ ಧರ್ಮ ಉಳಿಸಿ, ಬೆಳೆಸುತ್ತಿರುವುದಲ್ಲದೇ ದಾಸ ಸಾಹಿತ್ಯ ಪ್ರಚಾರ ಪಡಿಸುತ್ತಿರುವ ಪ್ರತಿಷ್ಠಾನದ ಕಾರ್ಯ ನಿಜಕ್ಕೂ ಶ್ಲಾಘನೀಯ ಎಂದು ಹೇಳಿದರು. ದಾಸರ ಪದಗಳ ಗಾಯನ ಸ್ಪರ್ಧೆಯಲ್ಲಿ ಬೆಳಗಾವಿಯ ಗೋಮಟೇಶ ಪ್ರೌಢಶಾಲೆ ವಿದ್ಯಾರ್ಥಿ ಸಾತ್ವಿಕ್ ಭಂಡಾರಿ (ಪ್ರಥಮ), ಸೇಂಟ್ ಜೊಸೇಫ್ ಪ್ರೌಢಶಾಲೆ ವಿದ್ಯಾರ್ಥಿನಿ ಅನುಷಾ ದೇಸಾಯಿ (ದ್ವಿತೀಯ), ಜ್ಞಾನಪ್ರಮೋದಿನಿ ಮಂದಿರದ ವಿದ್ಯಾರ್ಥಿನಿ ಧನ್ಯಾ ಪಾಟೀಲ (ತೃತೀಯ) ಸ್ಥಾನ ಪಡೆದರು.
