ವಿಎಸ್ಕೆ ವಿವಿಯಲ್ಲಿ ಕಳೆದ ಕೆಲ ದಿನಗಳ ಹಿಂದ ಬೋಧಕ ಮತ್ತು ಬೋಧಕೇತರ ಹಾಗೂ ಹೊರಗುತ್ತಿಗೆ ಸಿಬ್ಬಂದಿ ಮೀಟರ್ ಬಡ್ಡಿ ದಂಧೆಯಡಿ ಗುತ್ತಿಗೆ ನೌಕರೊಬ್ಬ ಆತ್ಮಹತ್ಯೆ, ಗುತ್ತಿಗೆ ನೌಕರರ ವೇತನದಲ್ಲಿ ಪಿಎಫ್ ಅಕ್ರಮ, ವಿವಿ ವ್ಯಾಪ್ತಿಯ ಕೆಲ ಬಿ.ಎಡ್ ಕಾಲೇಜುಗಳ ಪ್ರಶಿಕ್ಷಣಾರ್ಥಿಗಳ ಫಲಿತಾಂಶ ಹೆಚ್ಚಿಸಲು ಆನ್ಲೈನ್ನಲ್ಲಿ ಹೆಚ್ಚಿನ ಅಂಕ ನಮೂದು, ಅಂಕಪಟ್ಟಿಯ ಕಾಗದದ ಖರೀದಿಯಲ್ಲಿ ಕೋಟ್ಯಾಂತರ ರೂ. ಅಕ್ರಮ, ಗುತ್ತಿಗೆ ನೌಕರರೊಬ್ಬ ಕುಲಸಚಿವರ ಫೋರ್ಜರಿ ಸಹಿ, ಪದವಿಯ ಅಂಕಪಟ್ಟಿಯಲ್ಲಿ ಗೊಂದಲ, ಬಿ.ಇಡಿ ಫಲಿತಾಂಶ ಪ್ರಕಟಿಸದೆ ವಿಳಂಬ ಸೇರಿದಂತೆ ಸಾಲು ಸಾಲು ಆರೋಪಗಳು ಕೆಲ ದಿನಗಳಲ್ಲೇ ಬಹಿರಂಗಗೊಂಡಿವೆ. ಇಷ್ಟು ಪ್ರಮಾಣದ ಆರೋಪಗಳು ಕೆಲ ದಿನಗಳಲ್ಲೇ ವಿವಿ ವಿರುದ್ಧ ಕೇಳಿ ಬಂದಿವೆ. ಅಕ್ರಮದ ಬಗ್ಗೆ ಆರೋಪ ಹೊರ ಬೀಳುತ್ತಿದ್ದಂತೆ ತನಿಖಾ ತಂಡ ರಚಿಸಿ ವರದಿ ಬಂದ ಬಳಿಕ ಕ್ರಮ ಜರುಗಿಸಲಾಗುವುದು ಎಂಬುದಾಗಿ ಹೇಳಿಕೆ ನೀಡುವುದು ಸಾಮಾನ್ಯವಾಗಿದೆ. ಆದರೆ, ಅಕ್ರಮಗಳ ವಿವಿ ತಂಡ ರಚಿಸಿ ವಿಚಾರಣೆ ನಡೆಸಿದ್ದು ಬಿಟ್ಟರೆ ಈವರೆಗೂ ಯಾವುದೇ ವರದಿಯು ಬಹಿರಂಗಪಡಿಸದೆ ಹಾಗೂ ಕ್ರಮಕ್ಕೆ ಮುಂದಾಗದೆ ಇರುವುದು ಸಿಂಡಿಕೇಟ್ ಸದಸ್ಯರ ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ. ಆದ್ದರಿಂದ, ಸಿಂಡಿಕೇಟ್ ಸದಸ್ಯರೊಬ್ಬರು ಕೆಲ ಅಕ್ರಮಗಳ ಬಗ್ಗೆ ದಾಖಲೆಗಳನ್ನು ಸಂಬಂಧಪಟ್ಟ ಇಲಾಖೆಯಿಂದ ಸಂಗ್ರಹಿಸಲು ಮುಂದಾಗಿದ್ದಾರೆ. ದಾಖಲೆಗಳನ್ನು ಸಂಗ್ರಹಿಸಿದ ಬಳಿಕ ರಾಜ್ಯಪಾಲರ ಮುಂದೆ ಪ್ರಸ್ತುತಪಡಿಸಿ ತಪ್ಪಿಸ್ಥರ ಕ್ರಮಕ್ಕೆ ಮುಂದಾಗಲು ಸಕಲ ಸಿದ್ದತೆ ಕೈಗೊಳ್ಳಲಾಗಿದೆ ಎನ್ನಲಾಗಿದೆ.
