ಇದು ನಗರದ ಎಸ್.ನಿಜಲಿಂಗಪ್ಪ ಸಕ್ಕರೆ ಸಂಸ್ಥೆಯ ಸಭಾಂಗಣದಲ್ಲಿ ಆಯೋಜಿಸಿದ್ದ ಸಕ್ಕರೆ ಕಾರ್ಖಾನೆಗಳ ಮಾಲೀಕರು, ಕಬ್ಬು ಬೆಳೆಗಾರರು ಹಾಗೂ ವಿವಿಧ ಇಲಾಖೆ ಅಧಿಕಾರಿಗಳ ಸಭೆಯಲ್ಲಿ ರೈತರು ಒತ್ತಾಯಿಸಿದರು. ಕಾರ್ಮಿಕರ ಕೂಲಿ, ಕೃಷಿ ಸಲಕರಣೆಗಳ ಬಾಡಿಗೆ, ಅಗತ್ಯ ವಸ್ತುಗಳ ಬೆಲೆ ಏರಿಕೆ, ಅತಿವೃಷ್ಟಿ, ಅನಾವೃಷ್ಟಿಯಿಂದ ಕಬ್ಬು ಬೆಳೆಗಾರರು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇಂತಹ ಸಂದರ್ಭದಲ್ಲಿ ಸಕ್ಕರೆ ಕಾರ್ಖಾನೆಗಳು ಟನ್ ಕಬ್ಬಿನ ದರ 3,500ರಿಂದ 4,500 ರೂ. ವರೆಗೆ ೂಷಣೆ ಮಾಡಬೇಕು. ಕಬ್ಬು ಕಟಾವು, ಸಾಗಣೆ ದರ ನಿಗದಿಪಡಿಸಬೇಕು. ಕಳೆದ ಸಾಲಿನಲ್ಲಿ ಬಹುತೇಕ ಕಾರ್ಖಾನೆಗಳ ಮಾಲೀಕರು ಟನ್ ಕಬ್ಬಿಗೆ 2,900ರಿಂದ 3,000 ರೂ. ಮಾತ್ರ ನೀಡಿವೆ. ಎರಡನೇ ಕಂತಿನಲ್ಲಿ ನೀಡಬೇಕಾಗಿದ್ದ ಕಬ್ಬಿನ ಬಿಲ್ ಬಾಕಿ ಇಲ್ಲಿಯವರೆಗೆ ನೀಡಿಲ್ಲ. ಮೊದಲೇ ಕಂತಿನಲ್ಲಿಯೇ ಎಲ್ಲ ಹಣ ಪಾವತಿಸಬೇಕು ಎಂದು ಒತ್ತಾಯಿಸಿದರು.
