ಬಲಿಜ ಸಮುದಾಯ ಸಂಟನೆಗೆ ಒತ್ತು ನೀಡಲಿ

ಕೋಲಾರ: ಶ್ರೀಯೋಗಿನಾರೇಯಣ ಯತೀಂದ್ರರ 299ನೇ ಜಯಂತಿ ಅಂಗವಾಗಿ ಶುಕ್ರವಾರ ನಗರದ ಟೇಕಲ್​ ವೃತ್ತದಲ್ಲಿ ಪಲ್ಲಕ್ಕಿಗಳ ಅದ್ದೂರಿ ಮೆರವಣಿಗೆಗೆ ಸಂಸದ ಎಂ.ಮಲ್ಲೇಶ್​ಬಾಬು, ಮಾಜಿ ಸಂಸದ ಎಸ್​.ಮುನಿಸ್ವಾಮಿ, ಸಮಾಜ ಸೇವಕ ಸಿಎಂಆರ್​ ಶ್ರೀನಾಥ್​ ಟ್ರ್ಯಾಕ್ಟರ್​ ಚಲಾಯಿಸುವ ಮೂಲಕ ಚಾಲನೆ ನೀಡಿದರು.

ಸಂಸದ ಎಂ.ಮಲ್ಲೇಶ್​ ಬಾಬು ಮಾತನಾಡಿ, ತಾತಯ್ಯರ ಕಾಲಜ್ಞಾನದಲ್ಲಿ ಹೇಳಿರುವಂತೆಯೇ ಎಲ್ಲವೂ ನಡೆಯುತ್ತಿದ್ದು, ಒಳ್ಳೆಯ ಕೆಲಸಕ್ಕೆ ಒಳ್ಳೆಯ ಜನರು, ವ್ಯಕ್ತಿತ್ವ ಹಾಗೂ ಸರ್ಕಾರ ಅಗತ್ಯ, ಸಮುದಾಯದವರು ಸಂಟನೆಗೊಳ್ಳುವ ಮೂಲಕ ಪ್ರಾತಿನಿಧ್ಯವಹಿಸಬೇಕು ಎಂದರು.

ಮಾಜಿ ಸಂಸದ ಎಸ್​.ಮುನಿಸ್ವಾಮಿ ಮಾತನಾಡಿ, ಕೈವಾರ ತಾತಯ್ಯರು ಜೀವ ಸಮಾಧಿ ಆಗಿರುವ ಜಿಲ್ಲೆಯಲ್ಲಿ ಹುಟ್ಟಿರುವುದು ನಮ್ಮ ಪುಣ್ಯ. ನಗರ ಟೇಕಲ್​ ವೃತ್ತದಲ್ಲಿ ಪುತ್ಥಳಿ ಇರುವುದರಿಂದ ಯೋಗಿನಾರೇಯಣರ ವೃತ್ತ ಎಂದು ನಾಮಫಲಕ ಹಾಕಿಸಬೇಕು, ಜತೆಗೆ ಅಂಗಡಿಗಳ ಬಳಿಯೂ ಹೆಸರು ಬರೆಯಿಸಲು ಸಮುದಾಯದವರು ಮುಂದಾಗಬೇಕು ಎಂದು ಸಲಹೆ ನೀಡಿದರು.

ರಾಜ್ಯದಲ್ಲಿ ಬಿ.ಎಸ್​.ಯಡಿಯೂರಪ್ಪ, ಬಸವರಾಜ ಬೊಮ್ಮಾಯಿ ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ಬಲಿಜ ಸಮುದಾಯಕ್ಕೆ ಅನೇಕ ಕೊಡುಗೆ ನೀಡಿದ್ದಾರೆ. ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ 2ಎ ಮೀಸಲಾತಿ ತಂದರು, ತಾತಯ್ಯರ ಅಧ್ಯಯನ ಕೇಂದ್ರಕ್ಕೂ ಸಮಿತಿ ರಚನೆ ಮಾಡಿದ್ದರು. ಬಲಿಜ ಜನಾಂಗದ ಅಭಿವೃದ್ಧಿ ನಿಗಮವನ್ನೂ ರಚನೆ ಮಾಡಿದ್ದರು ಎಂದು ಸ್ಮರಿಸಿದರು.

ಜೆಡಿಎಸ್​ ಮುಖಂಡ ಸಿಎಂಆರ್​ ಶ್ರೀನಾಥ್​ ಮಾತನಾಡಿ, ಸಾರ್ಥಕ ಬದುಕಿಗೆ ಬೇಕಾದ ಅಂಶಗಳನ್ನು ಕೀರ್ತನೆಗಳ ಮುಖಾಂತರ ತಿಳಿಸಿಕೊಟ್ಟ ತಾತಯ್ಯರು ನಮ್ಮ ಜಿಲ್ಲೆಯವರಾಗಿರುವುದು ಹೆಮ್ಮೆ. ಸಣ್ಣ ಪುಟ್ಟ ವೈಮನಸ್ಸುಗಳನ್ನು ಬಿಟ್ಟು ಒಗ್ಗಟ್ಟಾಗಿ ಮುನ್ನಡೆದರೆ ಎಲ್ಲ ಅವಕಾಶಗಳನ್ನು ಪಡೆಯಲು ಸಾಧ್ಯ ಎಂದರು.

ಬಿಜೆಪಿ ಜಿಲ್ಲಾಧ್ಯಕ್ಷ ಓಂಶಕ್ತಿ ಚಲಪತಿ, ನಗರಸಭೆ ಅಧ್ಯಕ್ಷೆ ಲಕ್ಷಿ$್ಮದೇವಮ್ಮ, ಉಪಾಧ್ಯಕ್ಷೆ ಸಂಗೀತಾ ಜಗದೀಶ್​, ಬಲಿಜ ನೌಕರರ ಸೇವಾ ಟ್ರಸ್ಟ್​ ಅಧ್ಯಕ್ಷ ಪ್ರಸಾದ್​, ನಗರಸಭೆ ಮಾಜಿ ಸದಸ್ಯ ರೌತ್​ ಶಂಕರಪ್ಪ, ಸಮುದಾಯದ ಮುಖಂಡರಾದ ಮಂಜು, ನಂದ, ಚಿಟ್ಟಿ ರಘು, ಮಂಜು ಮತಿತರಿದ್ದರು.