ವಿಕಲ ಚೇತನರ ಹಾಗೂ ಹಿರಿಯ ನಾಗರೀಕರ ಸಬಲೀಕರಣ ಇಲಾಖೆ ಜಿಲ್ಲಾಧಿಕಾರಿ ರಾಜಶೇಖರ ದೈವಾಡಿ ಮಾತನಾಡಿ, ದೇಶ ಕಂಡ ಅಪ್ರತಿಮ ಕನ್ನಡ ಸಾಹಿತ್ಯ ಜೀವಿ, ಕನ್ನಡ ಅಭಿಮಾನಿ ಅಷ್ಟೇ ಅಲ್ಲದೇ ಅವರೊಬ್ಬ ವಿಶ್ವ ಮಾನವರು ಎಂಬುದನ್ನು ಇಂದು ನಾವು ಸ್ಮರಿಸಬೇಕು. ರಾಷ್ಟ್ರ ಕವಿ ಕುವೆಂಪು ಅವರು ಸಮಾಜದಲ್ಲಿ ಜಾತಿ, ಮತ, ಧರ್ಮದ ಎಲ್ಲೆಮೀರಿ ಮುಂದೆ ಹೋಗಬೇಕೆಂದು ಸಾರಿದ್ದರು. ಎಲ್ಲರೂ ವಿಶ್ವಮಾನವರಾದರೆ ಸಾಕು ಎಂಬುದು ಅವರ ಅತೀ ಮುಖ್ಯ ಚಿಂತನೆಯಾಗಿತ್ತು. ಆ ನಿಟ್ಟಿನಲ್ಲಿ ಅವರು ನಡೆದು ಬಂದ ದಾರಿ, ವಿಚಾರಧಾರೆ, ಸಾಹಿತ್ಯದ ಮೌಲ್ಯಗಳನ್ನು ಅರಿತು ಅವರ ಮೌಲ್ಯಾಧಾರಿತ ಅಂಶಗಳನ್ನು ನಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳುವ ಮೂಲಕ ಜಗತ್ತಿನಲ್ಲಿ ಮಾನವ ಜನ್ಮ ಪಡೆದ ನಾವೆಲ್ಲರೂ ಒಂದೇ ಎಂಬ ಮನೋಭಾವದಿಂದ ಜೀವನ ಸಾಗಿಸಿ, ಶ್ರೇಷ್ಠ ವ್ಯಕ್ತಿಗಳ ಜೀವನಾದರ್ಶಗಳು ಮುಂದಿನ ಪೀಳಿಗೆಗೆ ಮಾದರಿಯಾಗಬೇಕು ಎಂದು ತಿಳಿಸಿದರು.
