ಪೋಲಿಯೋಮುಕ್ತ ಸಮಾಜ ನಿರ್ಮಿಸೋಣ

ನೆಲಮಂಗಲ : ಭಾರತವನ್ನು ಪೋಲಿಯೋ ಮುಕ್ತ ದೇಶವನ್ನಾಗಿಸಲು ರೋಟರಿ ಸಂಸ್ಥೆಯ ಕೊಡುಗೆ ಅಪಾರ ಎಂದು ರೋಟರಿ ಜಿಲ್ಲಾ ಗವರ್ನರ್​ ಡಾ.ಎಲಿಜಬೆತ್​ ಚೆರಿಯನ್​ ತಿಳಿಸಿದರು. ನಗರದ ಸದಾಶಿವನಗರ ರೋಟರಿ ಭವನದ ಮುಂಭಾಗದಿಂದ ರೋಟರಿ ಸಂಸ್ಥೆ ಹಾಗೂ ಇನ್ನರ್​ ಸ್ಟೀಲ್​ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಪೋಲಿಯೋ ಜಾಗೃತಿ ಕಾರ್ಯಕ್ರಮಕ್ಕೆ ಚಾಲನೆ ಮಾತನಾಡಿದರು. ಅಂತಾರಾಷ್ಟ್ರೀಯ ಸೇವಾ ಸಂಸ್ಥೆಯಾದ ರೋಟರಿ ಸಂಸ್ಥೆ ಪಲ್ಸ್​ ಪೋಲಿಯೋ ಹಾಕಿಸುವಲ್ಲಿ ಮುಂಚೂಣಿಯಲ್ಲಿ ಕೆಲಸ ನಿರ್ವಹಿಸುತ್ತಿದೆ. ಭಾರತದಲ್ಲಿ 2011ರಿಂದ ಈಚೆಗೆ ಯಾವುದೆ ಮಗುವಿಗೆ ತೊಂದರೆಯಾಗಿಲ್ಲ ರೋಟರಿ ಸಂಸ್ಥೆ 30 ವರ್ಷದಿಂದ ಇಂತಹ ಮಾಹನ್​ ಕಾರ್ಯದಲ್ಲಿ ತೊಡಗಿದೆ. ನೆರೆಯ ದೇಶಗಳಾದ ಪಾಕಿಸ್ತಾನ, ಆಫ್ಘಾನಿಸ್ತಾನ ಮತ್ತು ನೈಜಿರೀಯಾ ದೇಶಗಳ ಮಕ್ಕಳಲ್ಲಿ ಇನ್ನು ಕಾಯಿಲೆ ಕಾಣಿಸಿಕೊಂಡಿರುವ ಬಗ್ಗೆ ವರದಿಯಾಗಿದೆ. ಭಾರತದಲ್ಲಿ ಮುಂದಿನ ದಿನಗಳಲ್ಲಿ ಸಂಪೂರ್ಣ ನಿಮೂರ್ಲನೆ ಮಾಡುವುದು ನಮ್ಮೆಲ್ಲರ ಕರ್ತವ್ಯ ಎಂದರು.

ರೋಟರಿ ಅಧ್ಯಕ್ಷ ಜಿ.ಆರ್​.ನಾಗರಾಜು ಮಾತನಾಡಿ, ಫಲ್ಸ್​ ಪೋಲಿಯೋ ಲಸಿಕಾ ಕಾರ್ಯಕ್ರಮದ ಬಗ್ಗೆ ಪ್ರತಿಯೊಬ್ಬರಿಗೂ ಜಾಗೃತಿ ಮೂಡಿಸುವುದು ಅಗತ್ಯವಾಗಿದೆ. ಮಾಹಿತಿ ಕೊರತೆಯಿಂದ ಸೂಕ್ತ ಕಾಲದಲ್ಲಿ ಪೋಲಿಯೊ ಲಸಿಕೆಯನ್ನು ಮಕ್ಕಳಿಗೆ ಹಾಕಿಸುವಲ್ಲಿ ತಪ್ಪಿಸಿದರೆ, ಅದರಿಂದ ಉಂಟಾಗುವ ಪರಿಣಾಮ ಜೀವನದುದ್ದಕ್ಕೂಮಗುವಿಗೆ ಕಾಡುವಂತಾಗುತ್ತದೆ. ಆದರಿಂದ ಸರ್ಕಾರ ಈ ಬಗ್ಗೆ ಕ್ರಮವಹಿಸಿದ್ದು, ಇದರ ಸದುಪಯೋಗವಾಗಬೇಕು. ಪ್ರತಿ ವರ್ಷವೂ ರೋಟರಿ ಸಂಸ್ಥೆಯಿಂದ ಪೋಲಿಯೊ ಅರಿವು ಕಾರ್ಯಕ್ರಮವನ್ನು ವಿಭಿನ್ನವಾಗಿ ಮಾಡಲಾಗುತ್ತಿದೆ ಎಂದರು.

ಮಾಜಿ ಅಧ್ಯಕ್ಷರಾದ ಎಂ.ಎನ್​.ಹರೀಶ್​ಕುಮಾರ್​, ಎನ್​.ಜಿ.ನಾಗರಾಜು, ಎಂ.ಟಿ.ನವೀನ್​ಕುಮಾರ್​ ಟಿ.ನಾಗರಾಜು, ಸಿ.ಜಿ.ಮಂಜುನಾಥ್​, ವಿ.ಆರ್​.ಸ್ವಾಮಿ, ಕೆ.ಮಂಜುನಾಥ್​, ಸುರೇಂದ್ರನಾಥ್​, ನಿಯೋಜಿತ ಅಧ್ಯಕ್ಷ ಕೆ.ಎಸ್​.ಲೋಕೇಶ್​, ನಿರ್ದೇಶಕರಾದ ಸುಶೀಲ್​ಕುಮಾರ್​, ಶಿವಶಂಕರ್​ ಪ್ರಸಾದ್​, ಕುಮಾರ್​, ಹನುಮಂತರಾಜು, ರಾಜಶೇಖರ್​, ಇನ್ನರ್​ವೀಲ್​ ಅಧ್ಯಕ್ಷೆ ಪೂರ್ಣಿಮಾಸುಗ್ಗರಾಜು, ಕಾರ್ಯದರ್ಶಿ ಮಂಜುಳಾಸಿದ್ದರಾಜು, ಮಾಜಿ ಅಧ್ಯಕ್ಷೆ ಉಮಾನಾರಾಯಣ್​, ರೋಟರಿ ಅರುಣೋದಯ ಅಧ್ಯಕ್ಷ ಎಂ.ಗಂಗಣ್ಣ, ಕಾರ್ಯದರ್ಶಿ ಕೇಶವಮೂರ್ತಿ, ನಿರ್ದೇಶಕ ಕಿರಣ್​, ಪ್ರಸನ್ನ, ಚೌಡಪ್ಪ, ನಟರಾಜು, ರಾಕೇಶ್​, ರವಿ ಮತ್ತಿತರರು ಇದ್ದರು.

ಬೆಳ್ಳಿರಥದಲ್ಲಿ ಜಾಗೃತಿ ಜಾಥಾ : ಪೋಲಿಯೋಮುಕ್ತ ಸಮಾಜ ನಿಮಾರ್ಣ ಮಾಡುವ ನಿಟ್ಟಿನಲ್ಲಿ ರೋಟರಿ ಸಂಸ್ಥೆಯಿಂದ ಅಯೋಜಿಸಿದ್ದ ಪೋಲಿಯೋ ಜಾಗೃತಿ ಜಾಥಾ ಹಿನ್ನೆಲೆ ನಗರದ ರೋಟರಿ ಭವನದ ಮುಂಭಾಗದಿಂದ ಆರಂಭಿಸಿ ಅಂಬೇಡ್ಕರ್​ ವೃತ್ತ, ಜಯನಗರ ಬಾಬುಜಗಜೀವನ್​ ರಾಮ್​ ವೃತ್ತ, ಮುಖ್ಯ ರಸ್ತೆಯ ಮೂಲಕ ಬಿನ್ನಮಂಗಲವರೆಗೂ ಬೆಳ್ಳಿ ರಥದಲ್ಲಿ ಸುಮಾರು 4 ಕಿಮೀ ಜಾಥಾ ನಡೆಸಿದರು.