ದೇಶದ 75 ಕೃಷಿ ವಿವಿ/ಕಾಲೇಜುಗಳ ಪೈಕಿಯುಎಎಸ್-ಬಿ 4ನೇ ಸ್ಥಾನದಲ್ಲಿದೆ. ಈಗ ವಿವಿ ವ್ಯಾಪ್ತಿಯನ್ನು ಕುಗ್ಗಿಸಿರುವುದರಿಂದ ಭವಿಷ್ಯದ ಪ್ರಗತಿಗೆ ಅಡ್ಡಿಯಾಗಲಿದೆ. ಸಂಶೋಧನೆ ಸೇರಿ ವಿವಿಧ ವಿಭಾಗಗಳು ಬೇರೆಡೆಗೆ ಹಂಚಿಹೋಗುವುದರಿಂದ ರೈತರಿಗೆ ಸಮಗ್ರ ಕೃಷಿಯ ಪರಿಕಲ್ಪನೆ ನೀಡಲು ಸಾಧ್ಯವಾಗದು. ರೈತರು ಕೃಷಿ ಜತೆಗೆ ತೋಟಗಾರಿಕೆ, ಹೈನುಗಾರಿಕೆ, ರೇಷ್ಮೆ, ಪಶುಪಾಲನೆ, ಮೀನುಗಾರಿಕೆಯ ಚಟುವಟಿಕೆಗಳನ್ನು ನಡೆಸಿ ಜೀವನ ನಡೆಸುತ್ತಾರೆ. ಇದಕ್ಕಾಗಿ ವಿವಿ ಮೇಲೆ ಅವಲಂಬಿಸುವ ಕೃಷಿಕರಿಗೆ ನ್ಯಾಯ ಒದಗಿಸಲು ಸಾಧ್ಯವಾಗದು. ಈ ಸೂಕ್ಷ್ಮವನ್ನು ಅರಿತು ಸರ್ಕಾರ ಮೂಲ ವಿವಿಯನ್ನು ಸದೃಢಗೊಳಿಸುವ ನಿರ್ಧಾರ ಕೈಗೊಳ್ಳಬೇಕು ಎಂದು ಅವರು ಒತ್ತಾಯಿಸಿದರು.
