ನಗರದ ಕೆಎಲ್ಇ ಸೊಸೈಟಿಯ ರಾಜಾ ಲಖಮಗೌಡ ವಿಜ್ಞಾನ ಮಹಾವಿದ್ಯಾಲಯದ ಜೈವಿಕ ತಂತ್ರಜ್ಞಾನ ವಿಭಾಗವು ಆಂತರಿಕ ಗುಣಮಟ್ಟ ಭರವಸೆ ಕೋಶ (ಐಕ್ಯೂಎಸಿ) ಮತ್ತು ಇನ್ಸ್ಟಿಟ್ಯೂಷನ್ ಇನ್ನೋವೆಷನ್ ಕೌನ್ಸಿಲ್ (ಐಐಸಿ) ಸಹಯೋಗದಲ್ಲಿ ಕಾಲೇಜಿನ ಸರ್ ಸಿ.ವಿ.ರಾಮನ್ ಸಭಾಂಗಣದಲ್ಲಿ ಗುರುವಾರ ಏರ್ಪಡಿಸಿದ್ದ ಕಾರ್ಯಾಗಾರದಲ್ಲಿ ಮಾತನಾಡಿದರು. ಪ್ರಧಾನ ಮಂತ್ರಿ ಉದ್ಯೋಗ ಸೃಷ್ಟಿ ಕಾರ್ಯಕ್ರಮ (ಪಿಎಂಇಜಿಪಿ), ಎಂಎಸ್ಎಂಇ, ನಿಧಿ&ಇಐಆರ್ ಮತ್ತು ಪ್ರಯಾಸ್, ಸ್ಟೆಪ್ ಹಾಗೂ ಬಿಐಆರ್ಎಸಿಯಂತಹ ಸರ್ಕಾರಿ ಯೋಜನೆಗಳ ಪ್ರಯೋಜನಗಳ ಕುರಿತು ವಿವರಿಸಿದರು. ಪ್ರಾಚಾರ್ಯ ಡಾ.ಜೆ.ಎಸ್.ಕವಳೇಕರ್, ಐಐಸಿ ಅಧ್ಯಕ್ಷ ಡಾ.ಸತೀಶ ಎಂ.ಪಿ, ಡಾ.ವಿನಯಕುಮಾರ ಎಂ. ಇತರರಿದ್ದರು. ಜೈವಿಕ ತಂತ್ರಜ್ಞಾನ ವಿಭಾಗದ ಮುಖ್ಯಸ್ಥೆ ಡಿ.ಎಸ್.ಶೆಟ್ಟರ್ ಸ್ವಾಗತಿಸಿದರು. ಬಿಎಸ್ಸಿ ತೃತೀಯ ವರ್ಷದ ವಿದ್ಯಾರ್ಥಿನಿ ಪೂರ್ವಿಕಾ ಪರಿಚಯಿಸಿದರು. ರತಾ ಎಂ. ವಂದಿಸಿದರು.
