ಪಟ್ಟಣದಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ನಾಲ್ಕು ಬಾರಿ ಶಾಸಕ, ಸಚಿವ, ಮುಖ್ಯ ಮಂತ್ರಿಗಳಾಗಿ ಹಿಂದು ಳಿದ ಶಿಗ್ಗಾಂವಿ ಕ್ಷೇತ್ರವನ್ನು ಸಮಗ್ರ ಅಭಿವೃದ್ಧಿಪಡಿಸಿದ ಖ್ಯಾತಿಗೆ ಬಸವರಾಜ ಬೊಮ್ಮಾಯಿ ಭಾಜನರಾಗಿದ್ದಾರೆ. ಶೈಕ್ಷಣಿಕ, ರಸ್ತೆಗಳ ಕ್ರಾಂತಿ ಮಾಡಿದ್ದಾರೆ. ಈಗ ಇಲ್ಲಿ ಅಭಿವೃದ್ಧಿ ಪಡಿಸಬೇಕಿರುವ ಕೆಲಸಗಳು ಅಷ್ಟಕಷ್ಟೇ. ಇನ್ನಷ್ಟು ಕೈಗಾರಿಕೆಗಳನ್ನು ತಂದು ಕ್ಷೇತ್ರದ ನಿರುದ್ಯೋಗ ಸಮಸ್ಯೆ ನಿವಾರಣೆಗೆ ಮುಂದಾಗಿದ್ದರು ಎಂದರು. ಚುನಾವಣೆ ವೇಳೆ ಜಿಲ್ಲಾ ಉಸ್ತುವಾರಿ ಸಚಿವರು ಕ್ಷೇತ್ರದ ಅಭಿವೃದ್ಧಿಗೆ ನೂರು ಕೋಟಿ ರೂ. ನೀಡಿದ್ದಾಗಿ ಘೊಷಣೆ ಮಾಡಿದ್ದರು. ಅದರಲ್ಲಿ ಕೈಗೊಂಡ ಅಭಿವೃದ್ಧಿ ಕೆಲಸಗಳ ಮಾಹಿತಿ ಸ್ಥಳೀಯರಿಗೆ ತಿಳಿಸಬೇಕು ಎಂದರು.
