ನನ್ನ ನಂಬಿ ಬಂದವರಿಗೆ ಈ ಅವಕಾಶ ಸಿಕ್ಕಿದ್ದು ನನಗೆ ಜೀವ ಬಂದಂತಾಯಿತು. ಚುನಾವಣೆ ಪ್ರಕ್ರಿಯೆ ಆರಂಭದ ಕೂಡಲೇ ಈ 7 ಜನ ಸದಸ್ಯರಿಗೆ ಟಿಕೆಟ್ ಕೊಡಬಾರದು ಎಂಬ ಮಾತು ಕೇಳಿಬಂದವು. ಆದರೂ ಅಂದು ಸಚಿವ ಸೋಮಣ್ಣ ಬಿಜೆಪಿ ಪಕ್ಷಕ್ಕೆ ಬೆಂಬಲಿಸಿ ಪಕ್ಷಾಂತರ ನಿಷೇಧ ಕಾಯ್ದೆಯಡಿ 7 ಜನರು ಅಧಿಕಾರ ಕಳೆದುಕೊಂಡಿದ್ದಾರೆ. ಅವರು ಗೆಲ್ಲಲಿ, ಸೋಲಲಿ, 7 ಜನರಿಗೆ ಟಿಕೆಟ್ ಕೊಡೋಣ ಎಂದು ತೀರ್ಮಾನಿಸಿದ್ದರು. ಅಂತೆಯೇ, ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ 7 ಜನರ ಪೈಕಿ 6 ಜನರು ಗೆದ್ದರು. ನಂತರ, ಮುಂದಿನ ವಿಧಾನ ಸಭಾ ಚುನಾವಣೆ, ಲೋಕಸಭಾ ಚುನಾವಣೆಯಲ್ಲಿ 7 ಜನ ಸದಸ್ಯರು ನನ್ನೊಂದಿಗೆ ಕೆಲಸ ಮಾಡಿದ್ದಾರೆ. ಆದರೀಗ, ನನಗೆ ಮೋಸ ಮಾಡಿದರು ಎಂದು ಅಸಮಾಧಾನ ಹೊರ ಹಾಕಿದರು.
