ಸರಣಿ ಉಪನ್ಯಾಸ ಮಾಲಿಕೆ

ವಿಜಯವಾಣಿ ಸುದ್ದಿಜಾಲ ಧಾರವಾಡ

ನಗರದ ಕರ್ನಾಟಕ ವಿದ್ಯಾವರ್ಧಕ ಸಂಘವು ಏ. 5ರಿಂದ 9ರವರೆಗೆ ಪ್ರತಿದಿನ ಸಂಜೆ 6ರಿಂದ 8ರವರೆಗೆ ಹೆರಿಗೆ ಮತ್ತು ಸ್ತ್ರೀ ಆರೋಗ್ಯ ತಜ್ಞ ಡಾ. ಸಂಜೀವ ಕುಲಕರ್ಣಿ ಅವರಿಂದ `ಸಂತಾನೋತ್ಪತ್ತಿಯ ವಿಸ್ಮಯ' ವಿಷಯ ಕುರಿತು ಸರಣಿ ಉಪನ್ಯಾಸ ಮಾಲಿಕೆ ಏರ್ಪಡಿಸಿದೆ. 5ರಂದು ಜೀವಲೋಕದಲ್ಲಿ ಸಂತಾನೋತ್ಪತ್ತಿಯ ವಿಕಾಸ ಮತ್ತು ವೈವಿಧ್ಯ, 6ರಂದು ಮನುಷ್ಯರಲ್ಲಿ ಸಂತಾನೋತ್ಪತ್ತಿಯ ಅಂಗಗಳ ರಚನೆ ಮತ್ತು ಕಾರ್ಯ, 7ರಂದು ಗರ್ಭಧಾರಣೆ ಮತ್ತು ಬಸಿರು, 8ರಂದು ಹೆರಿಗೆ- ಸಹಜ ಮತ್ತು ಸಿಸೇರಿಯನ್, 9ರಂದು ಬಾಣಂತನ ವಿಷಯ ಕುರಿತು ಉಪನ್ಯಾಸ ನೀಡುವರು ಎಂದು ಪ್ರಕಟಣೆ ತಿಳಿಸಿದೆ.