ಆಹಾರ ಸಂಸ್ಕರಣಾ ಘಟಕಕ್ಕೆ ಆದ್ಯತೆ ನೀಡಲು ಸೂಚನೆ

ಉಡುಪಿ: ಯುವಕರಲ್ಲಿ ಸ್ವಯಂ ಉದ್ಯೋಗವನ್ನು ಪ್ರೋತ್ಸಾಹಿಸುವ ನಿಟ್ಟಿನಲ್ಲಿ ಜಿಲ್ಲೆಯಲ್ಲಿ ಅಹಾರ ಸಂಸ್ಕರಣಾ ಘಟಕ ನಿರ್ಮಾಣಕ್ಕೆ ಹೆಚ್ಚಿನ ಸಾಲ ಸೌಲಭ್ಯ ಒದಗಿಸುವಂತೆ ಕೇಂದ್ರ ಕೃಷಿ ಮತ್ತು ರೈತ ಕಲ್ಯಾಣ ಇಲಾಖೆ ರಾಜ್ಯ ಸಚಿವೆ ಶೋಭಾ ಕರಂದ್ಲಾಜೆ ಹೇಳಿದರು.

ಸೋಮವಾರ ಜಿಪಂ ಸಭಾಂಗಣದಲ್ಲಿ ನಡೆದ ಲೀಡ್​ ಬ್ಯಾಂಕ್​ ಜಿಲ್ಲಾಮಟ್ಟದ ಪ್ರಗತಿಪರಿಶೀಲನಾ ಸಭೆಯಲ್ಲಿ ಅವರು ಮಾತನಾಡಿದರು. ಜಿಲ್ಲೆಯಲ್ಲಿ ತೆಂಗಿನಕಾಯಿ, ಗೋಡಂಬಿ ಅಧಾರಿತ ಸ್ಟಾರ್ಟ್​ಅಪ್​ ಹಾಗೂ ಎಫ್ ಪಿ ಒ ಗಳ ಬಗ್ಗೆಯೂ ಗಮನಹರಿಸಬೇಕು. ಮಲ್ಲಿಗೆಯಿಂದ ಎಣ್ಣೆ ತಯಾರಿಸುವ ಉದ್ಯಮ ಸ್ಥಾಪಿಸಿ ವಿದೇಶಕ್ಕೆ ರಪ್ತು ಮಾಡುವಂತೆ ಹೊಸ ಉದ್ಯಮಿಗಳಿಗೆ ಉತ್ತೇಜನ ನೀಡಬಹುದು. ಮೀನುಗಾರಿಕಾ ಕ್ಷೇತ್ರದಲ್ಲೂ ುಡ್​ ಪ್ರೋಸೆಸ್​ ಯುನಿಟ್​ ಪ್ರಾರಂಭಿಸಬಹುದು. ಈ ನಿಟ್ಟಿನಲ್ಲಿ ಕೃಷಿ, ತೋಟಗಾರಿಕೆ, ಮೀನುಗಾರಿಕೆ ಇಲಾಖೆಗಳು ಬ್ಯಾಂಕ್​ ಅಧಿಕಾರಿಗಳೊಂದಿಗೆ ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು ಎಂದರು.

ಮುದ್ರಾ ಲೋನ್​ ಬಗ್ಗೆ ಸಾರ್ವಜನಿಕರಿಂದ ಬಹಳಷ್ಟು ದೂರುಗಳು ಬರುತ್ತಿದ್ದು, ಸಾಲಸೌಲಭ್ಯ ಸ್ಥಗಿತವಾಗಿದೆ ಎಂಬುದಾಗಿ ಬ್ಯಾಂಕ್​ ಅಧಿಕಾರಿಗಳು ಗ್ರಾಹಕರಿಗೆ ತಪು ಮಾಹಿತಿ ನೀಡುತ್ತಿದ್ದಾರೆ. ಈ ಬಗ್ಗೆ ಸೂಕ್ತ ಕ್ರಮಕೈಗೊಳ್ಳುವಂತೆ ಲೀಡ್​ ಬ್ಯಾಂಕ್​ ಮ್ಯಾನೇಜರ್​ಗೆ ಸೂಚನೆ ನೀಡಿದರು.

ಭಾಷೆ ಕೊರತೆಯಿಂದ ಹಳ್ಳಿಗಳಲ್ಲಿ ಸಾಮಾನ್ಯ ಜನರಿಗೆ ತೊಂದರೆಯಾಗುತ್ತಿದೆ. ಹೀಗಾಗಿ ಸ್ಥಳಿಯ ಭಾಷೆ ಬಾರದ ಅಧಿಕಾರಿಗಳು ದುಭಾಷಿಗಳನ್ನು ನೇಮಿಸಿಕೊಳ್ಳಬೇಕು. ಬ್ಯಾಂಕ್​ ಉದ್ಯೋಗಗಕ್ಕೆ ಸ್ಥಳಿಯ ಪ್ರತಿಭೆಗಳು ನೇಮಕಗೊಳ್ಳುವ ನಿಟ್ಟಿನಲ್ಲಿ ತರಬೇತಿ ಕೇಂದ್ರಗಳನ್ನು ಪ್ರಾರಂಭಿಸಬಹುದು ಎಂದರು.

ಜನರನ್ನು ಅಲೆದಾಡಿಸಬೇಡಿ
ಬ್ಯಾಂಕ್​ ಅಧಿಕಾರಿಗಳು ಜನರನ್ನು ಅಲೆದಾಡಿಸಬೇಡಿ. ಸಾಲ ಮಂಜೂರು ಸಾಧ್ಯವಿಲ್ಲದಿದ್ದರೆ ತಕ್ಷಣವೇ ತಿಳಿಸಿಬಿಡಿ. ಬ್ಯಾಂಕ್​ ಗಳು ಜನಸ್ನೇಹಿಯಾಗಿ ಕಾರ್ಯನಿರ್ವಹಿಸಬೇಕು. ಪ್ರಧಾನಿ ಹೇಳುತ್ತಾರೆ ಆದರೆ ನಮಗೆ ಏನೂ ಸಿಗುವುದಿಲ್ಲ ಎಂಬ ಭಾವನೆ ಜನರಿಗೆ ಬರಬಾರದು. ಸರ್ಕಾರದ ವಿವಿಧ ಯೋಜನೆಗಳ ಸೌಲಭ್ಯಗಳನ್ನು ಪಡೆಯುವುದು ಹೇಗೆ ಮತ್ತು ಯಾವ ದಾಖಲೆಗಳು ಅಗತ್ಯವಿದೆ ಎಂಬುದನ್ನು ಸರಳವಾಗಿ ಪಟ್ಟಿ ಮಾಡಿ ಬ್ಯಾಂಕ್​ಗಳಲ್ಲಿ ಪ್ರದರ್ಶಿಸಬೇಕು. ಕೆಲವೇ ದಿನಗಳಲ್ಲಿ ಪಿಎಂ ವಿಶ್ವಕರ್ಮ ಯೋಜನೆ ಪ್ರಾರಂಭವಾಗಲಿದ್ದು, ಜಿಲ್ಲೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಲಾನುಭವಿಗಳು ಅರ್ಜಿ ಸಲ್ಲಿಸಲಿದ್ದಾರೆ ಎಂದರು.

ಕುಂದಾಪುರ ಶಾಸಕ ಕಿರಣ್​ ಕೊಡ್ಗಿ, ಬೈಂದೂರು ಶಾಸಕ ಗುರುರಾಜ್​ ಗಂಟಿಹೊಳೆ, ಜಿಪಂ ಸಿಇಒ ಪ್ರಸನ್ನ ಎಚ್​., ಆರ್​ ಬಿ ಐ ಅಧಿಕಾರಿ ತನು ನಂಜಪ್ಪ, ನಬಾರ್ಡ್​ ಡಿಜಿಎಂ ಸಂಗೀತ ಕರ್ತಾ, ಲೀಡ್​ ಬ್ಯಾಂಕ್​ ಮನೇಜರ್​ ಪಿ.ಎಂ.ಪಿಂಜಾರ್​, ವಿವಿಧ ಬ್ಯಾಂಕ್​ಗಳ ಅಧಿಕಾರಿಗಳಾದ ಮನೋಜ್​ ಸಲ್ಯಾನ್​, ರಾಜ್​ ಗೋಪಾಲ್​, ನಿತ್ಯಾನಂದ ಮೊದಲಾದವರು ಉಪಸ್ಥಿತರಿದ್ದರು.