ರೈತರ ಪ್ರತಿಭಟನೆಗೆ ವಕೀಲರ ಬೆಂಬಲ

|ಚಿಕ್ಕೋಡಿ: ಆಗ್ರಹಿಸಿ ರಾಜ್ಯ ರೈತಸಂ, ಹಸಿರು ಸೇನೆ ಹಾಗೂ ವಕೀಲರ ನೇತೃತ್ವದ ಪ್ರತಿಭಟನೆ ಸೋಮವಾರ ಎರಡನೇ ದಿನಕ್ಕೆ ಕಾಲಿಟ್ಟಿದೆ. ಪಟ್ಟಣದ ಬಸವ ವೃತ್ತದಲ್ಲಿ ನಡೆದ ಪ್ರತಿಭಟನೆಯಲ್ಲಿ ರೈತರು, ಸಂಕೇಶ್ವರ&ವಿಜಯಪುರ ರಾಷ್ಟ್ರೀಯ ಹೆದ್ದಾರಿ ಮತ್ತು ನಿಪ್ಪಾಣಿ&ಮುಧೋಳ ರಾಜ್ಯ ಹೆದ್ದಾರಿ ಬಂದ್​ ಮಾಡಿ ನೂರಾರು ವಾಹನಗಳ ಸಂಚಾರ ಸ್ಥಗಿತಗೊಳಿಸಿದರು. ಕೆಲವು ಗಂಟೆಗಳ ಕಾಲ ಚಿಕ್ಕೋಡಿ ನಗರ ಸಂಪೂರ್ಣವಾಗಿ ಸ್ತಬ್ಧಗೊಂಡಿತು.

ರೈತರು ಪ್ರತಿ ಟನ್​ ಕಬ್ಬಿಗೆ 3,500 ರೂ. ಬೆಲೆ ನಿಗದಿಪಡಿಸಲು ಸರ್ಕಾರವನ್ನು ಒತ್ತಾಯಿಸಿದರು. ಮಹಾರಾಷ್ಟ್ರ ಮಾದರಿಯಲ್ಲಿ ದರ ನೀಡದಿದ್ದರೆ ಹೋರಾಟ ತೀವ್ರಗೊಳ್ಳುತ್ತದೆ ಎಂದು ಎಚ್ಚರಿಸಿದರು. ವಕೀಲ ನಾಗೇಶ ಕಿವಡ, ಎನ್​.ಬಿ.ಪಾಟೀಲ, ರಾಜು ನಂದಿಕುರಳಿ, ರಮೇಶ ಕಾಳನ್ನವರ, ರಮೇಶ ಹಿತ್ತಲಮನಿ, ಎಂ.ಎಸ್​.ಈಟಿ, ಮಂಜುನಾಥ ಪರಗೌಡ, ಭೀಮಾ ಉದಗಟ್ಟಿ, ಆನಂದ ಪಾಶ್ಚಾಪುರೆ, ಸುಧಾಕರ ಪಾಟೀಲ ಮತ್ತು ರೈತ ನಾಯಕರು ಇದ್ದರು. ರೈತರ ಹೋರಾಟದ ಹಿನ್ನೆಲೆಯಲ್ಲಿ ಪಟ್ಟಣದಲ್ಲಿ ಪೊಲೀಸ್​ ಬಂದೋಬಸ್ತ್​ ಮಾಡಲಾಗಿತ್ತು.