ಅತಿ ದೊಡ್ಡ ಕ್ಲಿನಿಕಲ್ ಸ್ಕಿಲ್ಸ್ ಸಿಮ್ಯುಲೇಶನ್ ಕೇಂದ್ರಗಳ ಜಾಲ ಲೋಕಾರ್ಪಣೆ

ಮಂಗಳೂರು: ತುಂಬೆ ಗ್ರೂಪ್‌ನ ಅಂಗ ಸಂಸ್ಥೆಯಾಗಿರುವ ಗಲ್ಫ್ ಮೆಡಿಕಲ್ ಯೂನಿವರ್ಸಿಟಿ ವತಿಯಿಂದ ಮಧ್ಯಪ್ರಾಚ್ಯದಲ್ಲೇ ಅತಿ ದೊಡ್ಡದಾದ, ಸಂಯೋಜಿತ ಕ್ಲಿನಿಕಲ್ ಸ್ಕಿಲ್ಸ್ ಮತ್ತು ಸಿಮ್ಯುಲೇಶನ್ ಕೇಂದ್ರಗಳ ಜಾಲವನ್ನು ಸೋಮವಾರ ಉದ್ಘಾಟಿಸಲಾಯಿತು.

ಕ್ಯೂಎಸ್ ಇಂಡಿಯಾದ ಅಧ್ಯಕ್ಷರು ಹಾಗೂ ಕ್ಯೂಎಸ್ ಕ್ವಾಕ್ಕ್ವಾರೆಲ್ಲಿ ಸೈಮಂಡ್ಸ್ ಸಂಸ್ಥೆಯ ಕ್ರಾಟೆಜಿಕ್ ಮತ್ತು ಇಂಟರ್ನ್ಯಾಷನಲ್ ಎಂಗೇಜ್‌ಮೆಂಟ್‌ ನ ಉಪಾಧ್ಯಕ್ಷ ಡಾ. ಅಶ್ವಿನ್ ಫೆರ್ನಾಂಡಿಸ್ ಅವರು ಈ ಕೇಂದ್ರಗಳನ್ನು ಉದ್ಘಾಟಿಸಿದರು. ತುಂಬೆ ಗ್ರೂಪ್‌ನ ಸ್ಥಾಪಕ ಅಧ್ಯಕ್ಷ ಡಾ. ತುಂಬೆ ಮೊಯ್ದಿನ್, ಜಿಎಂಯು ನ ಚಾನ್ಸಲರ್ ಪ್ರೊ. ಮಂದಾ ವೆಂಕಟರಮಣ, ವಿವಿಧ ವಿಭಾಗಗಳ ಡೀನ್‌ಗಳು ಹಾಗೂ ಗಣ್ಯರು ಇದ್ದರು.

ಕ್ಯೂಎಸ್ ಇಂಡಿಯಾದ ಅಧ್ಯಕ್ಷ ಡಾ. ಅಶ್ವಿನ್ ಫೆರ್ನಾಂಡಿಸ್ ಅವರು ಜಿಎಂಯು ಅಧ್ಯಾಪಕರು ಮತ್ತು ಹಿರಿಯ ನಾಯಕತ್ವಕ್ಕಾಗಿ ಕ್ಯೂಎಸ್ ವರ್ಲ್ಡ್ ಯೂನಿವರ್ಸಿಟಿ ರ‍್ಯಾಂಕಿಂಗ್ಸ್ ಕುರಿತು ವಿಶೇಷ ಕಾರ್ಯಾಗಾರವನ್ನು ನಡೆಸಿಕೊಟ್ಟರು.

ಜಿಎಂಯು ನ ಅಜ್ಮಾನ್ ಕ್ಯಾಂಪಸ್‌ನಲ್ಲಿ ಈ ಆರು ಪ್ರತ್ಯೇಕ ತರಬೇತಿ ಕೇಂದ್ರಗಳನ್ನು ಒಂದೇ ಸೂರಿನಡಿ ತರಲಾಗಿದೆ. ಇದು ವೈದ್ಯಕೀಯ, ದಂತ ವೈದ್ಯಕೀಯ, ಫಾರ್ಮಸಿ, ಫಿಸಿಯೋಥೆರಪಿ ಹಾಗೂ ಅಲೈಡ್ ಸೈನ್ಸಸ್ ವಿದ್ಯಾರ್ಥಿಗಳಿಗೆ ನಿಜ ರೋಗಿಗಳಿಗೆ ಚಿಕಿತ್ಸೆ ನೀಡುವ ಮುನ್ನ, ಯಾವುದೇ ತಪ್ಪುಗಳಿಂದ ರೋಗಿಗಳಿಗೆ ಅಪಾಯವಾಗದಂತಹ ಸುರಕ್ಷಿತ ವಾತಾವರಣದಲ್ಲಿ ಪ್ರಾಯೋಗಿಕ ಜ್ಞಾನ ಮತ್ತು ಕೌಶಲ್ಯಗಳನ್ನು ಕರಗತ ಮಾಡಿಕೊಳ್ಳಲು ನೆರವಾಗಲಿದೆ.

ತುಂಬೆ ಇನ್‌ಸ್ಟಿಟ್ಯೂಟ್ ಆಫ್ ಕ್ಲಿನಿಕಲ್ ಸಿಮ್ಯುಲೇಶನ್

ತುಂಬೆ ಇನ್‌ಸ್ಟಿಟ್ಯೂಟ್ ಆಫ್ ಸರ್ಜಿಕಲ್ ಸ್ಕಿಲ್ಸ್

ತುಂಬೆ ಡೆಂಟಲ್ ಸಿಮ್ಯುಲೇಶನ್

ತುಂಬೆ ಫಾರ್ಮಸಿ ಪ್ರ್ಯಾಕ್ಟೀಸ್ ಲ್ಯಾಬ್ - ಸಿಮ್ಯುಲೇಶನ್

ತುಂಬೆ ಫಿಸಿಯೋಥೆರಪಿ ಸ್ಕಿಲ್ಸ್ ಟ್ರೈನಿಂಗ್ ಲ್ಯಾಬ್

ತುಂಬೆ ವೆಟರಿನರಿ ಕ್ಲಿನಿಕಲ್ ಸ್ಕಿಲ್ಸ್ ಲ್ಯಾಬ್ (ಶೀಘ್ರದಲ್ಲೇ ಆರಂಭ)

ತುಂಬೆ ಸಿಮ್ಯುಲೇಶನ್ ಸೆಂಟರ್, ದುಬೈ (ಶೀಘ್ರದಲ್ಲೇ ಆರಂಭ)

ಈ ಕೇಂದ್ರಗಳು ವಿದ್ಯಾರ್ಥಿಯ ಮೊದಲ ಶಸ್ತ್ರಚಿಕಿತ್ಸೆಯ ಹೊಲಿಗೆಯಿಂದ ಹಿಡಿದು, ಅತ್ಯಾಧುನಿಕ ಒಎಸ್ಇಸಿ (OSCE) ಮಾದರಿಯ ಕ್ಲಿನಿಕಲ್ ಮೌಲ್ಯಮಾಪನಗಳು ಮತ್ತು ತುರ್ತು ಪರಿಸ್ಥಿತಿಯ ಸಾಮೂಹಿಕ ತರಬೇತಿಗಳವರೆಗೆ ಸಂಪೂರ್ಣ ವೈದ್ಯಕೀಯ ಶಿಕ್ಷಣದ ಅಗತ್ಯತೆಗಳನ್ನು ಪೂರೈಸಲಿವೆ.