ತಾಲೂಕಿನ, ದಂಡಿಗನಹಳ್ಳಿ ಹೋಬಳಿಯ ದೂತನೂರು ಕಾವಲಿನಲ್ಲಿ ಇತ್ತೀಚೆಗೆ ಕಾಚೇನಹಳ್ಳಿ ಏತ ನೀರಾವರಿ ಯೋಜನೆಯ ಮೂರನೇ ಹಂತದ ನೀರು ಪೂರೈಸುವ ಕಾರ್ಯಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, 4,400 ಎಕರೆ ಪ್ರದೇಶಕ್ಕೆ ನೀರೊದಗಿಸುವ ಮೂರನೇ ಹಂತದ ಕಾಚೇನಹಳ್ಳಿ ಏತ ನೀರಾವರಿ ಯೋಜನೆಯನ್ನು ಕೇಂದ್ರ ಸಚಿವ ಎಚ್.ಡಿ. ಕುಮಾರಸ್ವಾಮಿ ಅವರು ಮುಖ್ಯಮಂತ್ರಿ ಆಗಿದ್ದಾಗ ಮೊದಲ, ಎರಡನೇ ಹಂತದ ಯೋಜನೆಗೆ ಹಣ ಬಿಡುಗಡೆ ಮಾಡಿದ್ದರು, ಮೊದಲ ಹಂತದ ಯೋಜನೆ 1390 ಎಕರೆ, ಎರಡನೇ ಹಂತದ ಯೋಜನೆ 6610 ಎಕರೆ, ಮೂರನೇ ಹಂತದ ಯೋಜನೆಯಿಂದ 4400 ಎಕರೆಗೆ ನೀರು ಒದಗಿಸುತ್ತದೆ. 2019 ರಲ್ಲಿ ಕುಮಾರಸ್ವಾಮಿ ಅವರು ಹಣ ಬಿಡುಗಡೆ ಮಾಡಿದ್ದರು, ಮೂರನೇ ಹಂತ ಮುಗಿದು ನಾಲ್ಕು ವರ್ಷ ಆಗಬೇಕಿತ್ತು. ಆದರೆ ಕೆಲವರು ಬೇಕಂತಲೇ ಹಲವು ಕಡೆ ರೈತರಿಂದ ಅಡ್ಡಿಪಡಿಸಿದರು. ನೀರಾವರಿ ಇಲಾಖೆ ಅಧಿಕಾರಿಗಳಿಗೆ ಪರಿಶೀಲನೆಗೆ ಬನ್ನಿ ಅಂದೆ, ಹೋದರೆ ಸಸ್ಪೆಂಡ್ ಮಾಡಿಸ್ತೀನಿ ಎಂದು ಕೆಲವರು ಹೆದರಿಸಿದ್ದಾರೆ. ಹಾಗಾಗಿ ನೀವು ಹೋಗಿ ನಾನೇ ಪರಿಶೀಲನೆ ಮಾಡುತ್ತೇನೆ ಎಂದು ಅಧಿಕಾರಿಗಳನ್ನು ಕಳುಹಿಸಿದ್ದೇನೆ. ರೈತರಿಗೆ ನೀರು ಪೂರೈಕೆ ಆಗಬೇಕು, ಕಾಲ ಬಂದಾಗ ಮಾತನಾಡುತ್ತೇನೆ ಎಂದು ಸಂಸದ ಶ್ರೇಯಸ್ ಪಟೇಲ್ ವಿರುದ್ಧ ಪರೋಕ್ಷವಾಗಿ ಅಸಮಾಧಾನ ಹೊರಹಾಕಿದರು.
