ಚಂದ್ರಶೇಖರ್ಗೆ ಸೇರಿದ 27 ಎಕರೆ ನಿವೇಶನವನ್ನು 2010ರಲ್ಲಿ ಜಿಲ್ಲಾ ಪೊಲೀಸ್ ಗೃಹ ನಿರ್ಮಾಣ ಸಹಕಾರ ಸಂಘಕ್ಕೆ ನೀಡಲು ಒಡಂಬಡಿಕೆಯಾಗಿತ್ತು. ಈ ಪೈಕಿ ಈವರೆಗೆ 16.5 ಎಕರೆ ಸಂಘಕ್ಕೆ ನೋಂದಣಿಯಾಗಿದೆ. ಆದರೆ ಖಾತೆಯಾಗಿಲ್ಲ. ಮಾತ್ರವಲ್ಲದೆ ನಿವೇಶನಕ್ಕೆ ರಸ್ತೆ, ಯುಜಿಡಿ, ನೀರಿನ ಪೈಪ್ಲೈನ್ ಅಳವಡಿಸಿಲ್ಲ. ಆದ್ದರಿಂದ ತ್ವರಿತವಾಗಿ ಕೆಲಸ ಪೂರ್ಣಗೊಳಿಸಿ ಹಸ್ತಾಂತರ ಮಾಡುವಂತೆ ಹಲವು ದಿನದಿಂದ ಕೇಳಲಾಗುತ್ತಿದೆ. ಅಂತೆಯೇ ಜನವರಿ ವೇಳೆಗೆ ಕೊಡುವುದಾಗಿ ಹೇಳಿದ್ದರು. ಆದರೂ ಯಾವುದೇ ಬೆಳವಣಿಗೆಯಾಗಿಲ್ಲವೆಂದು ಆಕ್ರೋಶ ವ್ಯಕ್ತಪಡಿಸಿದರು. ಮನವಿ ಸ್ವೀಕರಿಸಿದ ಸಚಿವರು, ಈ ಬಗ್ಗೆ ಮಾಹಿತಿ ಪಡೆದು ನ್ಯಾಯ ಕೊಡಿಸುವುದಾಗಿ ಭರವಸೆ ನೀಡಿದರು.
