2.31 ಎಕರೆ ಜಮೀನು ನಾಗರಾಜು ಅವರ ತಂದೆ ಲೇಟ್ ಹನುಮಂತಯ್ಯ ಹೆಸರಿನಲ್ಲಿದ್ದು, ಈ ಜಮೀನಿನಲ್ಲಿ ನಾಗರಾಜು 150 ಬಾಳೆಗಿಡ, ಮೂರು ವರ್ಷದ 100 ತೆಂಗಿನ ಗಿಡ, 5 ವರ್ಷದ ಹಿಂದೆ 800 ಅಡಕೆ ಗಿಡ ಹಾಕಿದ್ದು ಅಡಕೆ ಫಸಲು ಬಿಡುವ ಹಂತಕ್ಕೆ ಬಂದಿತ್ತು. ಆದರೆ ಗ್ರಾಮದ ಮತ್ತೊಂದು ಕಡೆ 27ಗುಂಟೆ ಜಮೀನಿಗೆ ಸಂಬಂಧಿಸಿದಂತೆ ನಾಗರಾಜು ಹಾಗೂ ಸಂಜೀವ್ಕುಮಾರ್, ಪುಟ್ಟರೇವಣ್ಣ ಅವರ ನಡುವೆ ವ್ಯಾಜ್ಯವಾಗಿ ಈ ಸಂಬಂಧ ಡಿಸಿ ನ್ಯಾಯಾಲಯದಲ್ಲಿ ದಾವೆ ಹೂಡಿದರು. ಸಜೀವ್ಕುಮಾರ್ ನಾಗರಾಜುಗೆ ಮಧ್ಯವರ್ತಿಗಳ ಮೂಲಕ ಮಾತುಕತೆಗೆ ಹೇಳಿ ಕಳಿಸಿದ್ದ. ನ್ಯಾಯಾಲಯದಲ್ಲಿ ದಾವೆ ಇರುವುದರಿಂದ ಅಲ್ಲೇ ಇತ್ಯರ್ಥವಾಗಲಿ ಎಂದು ನಾಗರಾಜು ಆಹ್ವಾನ ತಿರಸ್ಕರಿಸಿದ್ದರು. ಇದರಿಂದ ಕೋಪಗೊಂಡ ಸಂಜೀವ್ಕುಮಾರ್, ಪುಟ್ಟರೇವಣ್ಣ, ಕಪ್ಪಯ್ಯ ಮಂಗಳವಾರ ಮಧ್ಯರಾತ್ರಿ ಜಮೀನಿಗೆ ನುಗ್ಗಿ ಕೃತ್ಯ ಎಸಗಿದ್ದಾರೆ. ಇದೇ ಸಮಯಕ್ಕೆ ತೋಟಕ್ಕೆ ನೀರು ಹಾಯಿಸಲು ನಾಗರಾಜು ಮಗನ ಜತೆ ಹೋದಾಗ ಗಿಡಗಳನ್ನು ಕತ್ತರಿಸುತ್ತಿರುವುದು ಕಂಡು ಬಂದಿದೆ. ಇದನ್ನು ನೋಡಿದ ನಾಗರಾಜು ಕಿರುಚಿಕೊಂಡಿದ್ದರಿಂದ ಮೂವರೂ ಓಡಿಹೋಗಿದ್ದಾರೆ. ನಾಗರಾಜು ಪಟ್ಟಣ ಠಾಣೆಗೆ ದೂರು ನೀಡಿದ್ದು, ಪುಟ್ಟರೇವಣ್ಣ, ಕಪ್ಪಯ್ಯ ತಲೆಮರಿಸಿಕೊಂಡಿದ್ದಾರೆ.
