ಹೊಸದಾಗಿ ಭೂ ಪರಿವರ್ತನೆಗೆ ಸ್ವೀಕರಿಸಲಾಗಿರುವ ಪ್ರಸ್ತಾವನೆಗಳ ಪೈಕಿ ಕುಶಾಲನಗರ ತಾಲೂಕಿನದ್ದೇ ಹೆಚ್ಚು ಇದೆ. ಕುಶಾಲನಗರ ತಾಲೂಕಿನಲ್ಲಿ ವಾಣಿಜ್ಯ ಉದ್ದೇಶಕ್ಕಾಗಿ ೧೩ ಪ್ರಕರಣಗಳಲ್ಲಿ ೧ ಎಕರೆಗೂ ಅಧಿಕ ವಿಸ್ತೀರ್ಣದ ೪೮.೬೪ ಎಕರೆ ಜಾಗದ ಭೂ ಪರಿವರ್ತನೆಗಾಗಿ ಪ್ರಸ್ತಾವನೆ ಬಂದಿದೆ. ಮಡಿಕೇರಿ ತಾಲೂಕಿನಲ್ಲಿ ೫ ಪ್ರಕರಣಗಳಲ್ಲಿ ೯.೫೫ ಎಕರೆ, ಸೋಮವಾರಪೇಟೆಯಲ್ಲಿ ೨ ಪ್ರಕರಣಗಳಲ್ಲಿ ೮.೭೨ ಎಕರೆ, ವಿರಾಜಪೇಟೆ ತಾಲೂಕಿನಲ್ಲಿ ೫ ಪ್ರಕರಣಗಳಲ್ಲಿ ೧೪.೬೦ ಎಕರೆ ಹಾಗೂ ಪೊನ್ನಂಪೇಟೆ ತಾಲೂಕಿನಲ್ಲಿ ೩ ಪ್ರಕರಣಗಳಲ್ಲಿ ೫.೩ ಎಕರೆ ಜಾಗದ ಭೂ ಪರಿವರ್ತನೆಗಾಗಿ ಪ್ರಸ್ತಾವನೆ ಬಂದಿದೆ.
ವಸತಿ ಉದ್ದೇಶಕ್ಕಾಗಿ ಭೂ ಪರಿವರ್ತನೆಗಾಗಿಯೂ ಕುಶಾಲನಗರ ತಾಲೂಕಿನಿಂದಲೇ ಹೆಚ್ಚು ಪ್ರಸ್ತಾವನೆಗಳು ಬಂದಿದೆ. ೧ ಎಕರೆಗಿಂತಲೂ ಅಧಿಕ ಪ್ರಮಣದ ೨ ಪ್ರಕರಣಗಳಲ್ಲಿ ೮.೯೭ ಎಕರೆ ಜಾಗದ ಭೂ ಪರಿವರ್ತನೆಗೆ ಪ್ರಸ್ತಾವನೆ ಸರ್ಕಾರದ ಮುಂದಿದೆ. ಮಡಿಕೇರಿ ತಾಲೂಕಿನಲ್ಲಿ ೨ ಪ್ರಕರಣಗಳಿದೆ ಸಂಬಂಧಿಸಿದ ೪.೪೧ ಎಕರೆ, ಸೋಮವಾರಪೇಟೆ ತಾಲೂಕಿನಲ್ಲಿ ೨ ಪ್ರಕರಣಗಳ ೩.೨೪ ಎಕರೆ, ವಿರಾಜಪೇಟೆ ತಾಲೂಕಿನಲ್ಲಿ ೧ ಪ್ರಕರಣದ ೨.೧೭ ಎಕರೆ ಹಾಗೂ ಪೊನ್ನಂಪೇಟೆ ತಾಲೂಕಿನಲ್ಲಿ ೧ ಪ್ರರಕಣದ ೨ ಎಕರೆ ಜಾಗ ಭೂ ಪರಿವರ್ತನೆಗಾಗಿ ಕಾದಿದೆ. ಕೈಗಾರಿಕೆ ಉದ್ದೇಶಕ್ಕಾಗಿ ಭೂ ಪರಿವರ್ತನೆಯ ಯಾವುದೇ ಪ್ರಸ್ತಾವನೆಗಳು ಇಲ್ಲ.
