ಪ್ರದರ್ಶನ ವೀಕ್ಷಿಸಲು ಬರುವವರನ್ನು ಲಾಲ್ಬಾಗ್ನ ನಾಲ್ಕೂ ದ್ವಾರಗಳಲ್ಲೂ ಪರೀಕ್ಷಿಸಿ, ಒಳಗೆ ಕಳುಹಿಸಲಾಗುತ್ತಿತ್ತು. ಈ ವೇಳೆ ನೀರಿನ ಬಾಟಲ್, ಕವರ್ಗಳು ಸೇರಿ ಪ್ಲ್ಯಾಸ್ಟಿಕ್ ವಸ್ತುಗಳನ್ನು ಉದ್ಯಾನದೊಳಗೆ ಕೊಂಡೊಯ್ಯಲು ಅವಕಾಶ ನೀಡಿರಲಿಲ್ಲ. ಹೀಗಾಗಿ ಈ ಬಾರಿ ಉದ್ಯಾನದಲ್ಲಿ ಎಲ್ಲಿಯೂ ಪ್ಲ್ಯಾಸ್ಟಿಕ್ ವಸ್ತುಗಳು ಕಂಡುಬಂದಿಲ್ಲ. ಅಲ್ಲದೆ, ಪ್ರದರ್ಶನ ಸಂದರ್ಭದಲ್ಲಿ ಮಳಿಗೆಗಳನ್ನು ತೆರೆದಿದ್ದ ವ್ಯಾಪಾರಿಗಳು ಸಹ ಪೇಪರ್ ಬ್ಯಾಗ್, ಬಾಳೆ ಎಲೆ, ಅಡಕೆ ತಟ್ಟೆಗಳನ್ನು ಬಳಕೆ ಮಾಡಿದ್ದರು. ಇದರಿಂದಾಗಿ ಈ ಬಾರಿ ಉದ್ಯಾನದಾದ್ಯಂತ ಸಾವಯವ ತ್ಯಾಜ್ಯ ಮಾತ್ರವೇ ದೊರೆತಿದ್ದು, ಸುಮಾರು 4 ಬೃಹತ್ ಲಾರಿ (ಕಾಂಪ್ಯಾಕ್ಟರ್) ಕಸ ಸಂಗ್ರಹವಾಗಿದೆ. ಕಳೆದ ಬಾರಿ ಪ್ಲ್ಯಾಸ್ಟಿಕ್ ಸೇರಿ 8 ಲೋಡ್ ಆಗಿತ್ತು. ಪ್ಲ್ಯಾಸ್ಟಿಕ್ ನಿಷೇಧದಿಂದ ಈ ಬಾರಿ ಪರಿಸರಸ್ನೇಹಿ ಪ್ರದರ್ಶನ ಸಾಧ್ಯವಾಯಿತು ಎಂದು ತೋಟಗಾರಿಕೆ ಇಲಾಖೆ ಜಂಟಿ ನಿರ್ದೇಶಕ ಜಗದೀಶ್ ತಿಳಿಸಿದ್ದಾರೆ.
